ശസ്ത്രക്രിയയ്ക്കായ് (എല്‍സി യോഹന്നാന്‍ ശങ്കരത്തില്‍, ന്യൂയോര്‍ക്ക്)
Published on 19 December, 2020
(വെരി റവ. ഡോ. യോഹന്നാൻ ശങ്കരത്തിൽ കോർ എപ്പിസ്കോപ്പയെ ബൈപാസ് ശസ്ത്രക്രിയക്ക് വിധേയനാക്കിയായതിനെ അനുസ്മരിച്ചു എഴുതിയത്. )
മൃതുവക്ത്രത്തിലെകത്തുന്ന യാതന
കാതരമായ്കണ്‍കളുയര്‍ത്തിയാ നോക്കില്‍
ചിത്തത്തില്‍തീജ്വാലകത്തിയുയര്‍ന്നുവോ?
പാത പിരിയുമാസ്പത്രികവലയില്‍
ചോദിച്ചൊരായിരംചോദ്യങ്ങള്‍ഞാന്‍ സ്വയം !
ജീവിതത്തിന്നൊപ്പംനീങ്ങുന്നു മൃത്യുവും
ജന്മമൃതികള്‍ഇണചേര്‍ന്നു കഴിയുന്നു
മൂന്നക്ഷരംമാത്രമീമര്‍ത്യജീവിതം !
എത്ര സ്വപ്നങ്ങള്‍ പടുക്കുന്നു മാനവര്‍
എത്ര നിലകളില്‍ പൊക്കുന്നു സൗധങ്ങള്‍
എത്രയൗന്നത്യത്തിലാര്‍ന്ന ധനവാനും
എത്ര നൈമിഷ്യമൊരുശ്വാസത്തിലന്ത്യം!
ജീവിക്കും നേരം നാം നിനയ്ക്കില്ലന്ത്യത്തെ
ജീവിതമേറെ നാളുണ്ടെന്നു ചിന്തിക്കെ
പൊട്ടിച്ചിതറുന്ന സ്ഫാടികച്ചില്ലുപോല്‍
മിന്നല്‍പ്പിണര്‍പോലെകാറ്റിലെ നാളം പോല്‍
മിന്നിപ്പൊലിയുന്നതേമര്‍ത്യജീവിതം !
ഹൃത്തടം പൊട്ടുന്ന കാഴ്ചയാണെന്‍ കാന്തന്‍
ഹൃത്തു പിളര്‍ന്നുള്ളൊരോപ്പറേഷന്‍ താണ്‍ടി
വക്ത്രത്തില്‍ നാസാദ്വാരങ്ങളിലൊട്ടേറെ
ട്യൂബുകളുംപേറിമിഴിയടച്ചുള്ളൊരാ
ദൃശ്യത്തിലാകെതകര്‍ന്നു ഞാനെങ്കിലും
ജീവനുണ്ടപ്പോഴുമെന്നുള്ളതാശ്വാസം !
ദൈവത്തിനര്‍പ്പിച്ചൊരായിരംസ്‌തോത്രങ്ങള്‍
ജീവിതംവീണ്‍ടുംതിരിച്ചുതന്നെന്നതാല്‍,
നന്മയുംസത്യവും ധര്‍മ്മവും പിന്‍പറ്റി
ചിന്മയശക്തിയിലാശ്രയംതേടുകേ,
ഓരോ ദിനത്തിലുംസാന്ത്വനം സാകല്യം
കോരിച്ചൊരിയുമെന്‍വിശൈ്വകശാന്തിതേ !
വന്നു ഭവിക്കുംദൈവേച്ഛപോല്‍സര്‍വ്വതും
മാനുഷശക്തിക്കതീതം പരാശക്തി !
Facebook Comments
Comments
teresa antony 2020-12-19 17:19:32
Dear Elsy,
That is a beautiful poem. Even in trying times your inspirational writings is a reminder to everyone that we can find comfort in faith and gratitude. My prayers are for you and family
amminichechi
Aby Makkapuzha 2020-12-19 20:06:52
ഹൃദയ സ്പർശിയായ കവിത
Sudhir Panikkaveetil 2020-12-19 22:34:52
ഹൃദയം പങ്കിടുന്നവർ, ഒരേ ഹൃദയമുള്ളവർ
അവർക്ക് വേദനകൾ വേറിട്ടില്ല. ഈ കവിതയിൽ
സ്പന്ദിക്കുന്നത് ഭാര്യയുടഹൃ ദയമാണ്.
പതിയുടെ ഹൃദയമിടിപ്പിന്റെ താളം
നിയന്ത്രിക്കുന്ന സ്നേഹമയിയായ ഭാര്യയുടെ
വികാരങ്ങൾ താനേ ഒഴുകുമ്പോൾ അത്
കവിതയായി പരിണമിക്കയാണ്.
അഭിവന്ദ്യ അച്ചൻ വേഗം സുഖം പ്രാപിക്കാൻ
പ്രാർത്ഥിക്കുന്നു.
Jyothylakshmy Nambiar 2020-12-20 15:55:17
Healing thoughts being sent your way as I wish Father a speedy recovery.
Mini 2020-12-21 15:10:43
Praying for Achan's speedy recovery.
Raju Mylapra 2020-12-21 12:30:49
ബഹുമാനപ്പെട്ട ശങ്കരത്തിൽ അച്ചന്റെ പൂർണ്ണ ആരോഗ്യത്തിനു വേണ്ടി പ്രാർത്ഥിക്കുന്നു.
പ്രതിസന്ധികളെ അതിജീവിക്കുവാൻ ഉള്ള മനോബലം കൊച്ചമ്മക്ക് ദൈവംതമ്പുരാൻ തരട്ടെ. പ്രാർത്ഥനയോടെ.
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala