ന്യൂ യോർക്ക് :ഫൊക്കാന  ട്രസ്റ്റീ ബോർഡിൽ അംഗമായി ലീല മാരേട്ടിനെ   നിയമിച്ചതായി  ബോർഡ് ചെയർ ജോജി തോമസ് അറിയിച്ചു . കഴിഞ്ഞ ദിവസം കൂടിയ ട്രസ്റ്റീ ബോർഡ് മീറ്റിങ്ങിൽ ഫൊക്കാന   പ്രസിഡന്റ് സജിമോൻ ആന്റണിയുടെ അഭ്യർത്ഥനപ്രകാരം മുൻ പ്രസിഡന്റ് കൂടിയായ ജോർജി വർഗീസ്  ആണ്  ലീല മാരേട്ടിന്റെ  പേര് നിർദ്ദേശിച്ചത്‌ .  വൈസ് ചെയർ  സതീശൻ നായർ,  സെക്രട്ടറി ബിജു ജോൺ എന്നിവർ   പിന്താങ്ങുകയും ചെയ്തു .

ഫൊക്കാന  കമ്മിറ്റി മെമ്പര്‍, റീജണല്‍ വൈസ്  പ്രസിഡന്റ്, നാഷണൽ  ട്രഷറര്‍, എക്സിക്യൂട്ടീ വൈസ് പ്രസിഡന്റ്, ബോര്‍ഡ് ഓഫ് ട്രസ്റ്റി മെമ്പര്‍, ഇലക്ഷന്‍ കമ്മിറ്റി മെമ്പര്‍, വിമന്‍സ് ഫോറം ചെയർ , നാഷണൽ കോർഡിനേറ്റർ തുടങ്ങി ഫൊക്കാനയുടെ നിരവധി മേഖലകളിൽ പ്രവർത്തിച്ചിട്ടുള്ള വ്യക്തിയാണ്  ലീല മാരേട്ട് .

ഫൊക്കാനയിൽ  ദീർഘകാല പ്രവർത്തന പാരമ്പര്യവും അമേരിക്കൻ സംഘടനാ രംഗത്ത് പ്രവർത്തിക്കുന്ന ശക്തയായ സ്ത്രീ സാന്നിധ്യം കൂടിയാണ് അവർ  .   1981 ല്‍ അമേരിക്കയിലെത്തിയ ലീല മാരേട്ട് തന്റെ പ്രവര്‍ത്തനങ്ങള്‍ കൊണ്ട് അമേരിക്കന്‍ മലയാളികളുടെ മനസ്സില്‍ വളരെ പെട്ടെന്ന് തന്നെ സ്ഥാനം പിടിച്ചു.   ഫൊക്കാന നിലവില്‍ വന്ന സമയം തൊട്ട് സംഘടനയുടെ പദവികള്‍ ഏറ്റെടുത്തും, ഏറ്റെടുക്കുന്ന  പ്രവര്‍ത്തനത്തിലൂടെ ആ പദവിയില്‍ നീതി പുലര്‍ത്തിയും  പ്രവർത്തിക്കുന്നു  .

രാഷ്ട്രീയ പാരമ്പര്യം ഉള്ള കുടുംബത്തില്‍ നിന്നും വന്നതിനാല്‍ തന്നെ രാഷ്ട്രീയപ്രവര്‍ത്തനങ്ങളിലും വ്യപ്രുതയാണ് . രസതന്ത്രത്തില്‍ എം.എസ്.സി. ബിരുദമുള്ള ഇവര്‍ ആലപ്പുഴയിൽ  അധ്യാപിക  ആയിരുന്നു. പിന്നീട്  അമേരിക്കയിൽ എത്തിയ ശേഷം  ബ്രോങ്ക്സ് കമ്മ്യൂണിറ്റി കോളേജിലും അധ്യാപികയായി ജോലി നോക്കി. ന്യൂയോര്‍ക്ക് നഗരത്തിലെ പരിതസ്ഥിതി സംരക്ഷണ വിഭാഗത്തില്‍ നിന്നും വിരമിച്ചു  

ഫൊക്കാനയിലെ സംഘടനാ പ്രവർത്തങ്ങൾക്കു പുറമെ നിരവധി രാഷ്ട്രീയ- സാമുദായിക- സംഘടനാ രംഗത്ത് നേതൃത്വവും സജീ സജീവ സാന്നിധ്യവും അറിയിക്കുന്ന  നേതാവാണ്  .

ട്രസ്റ്റീ ബോർഡ് മെംബർ ആയി തെരഞ്ഞെടുത്തതിൽ ലീല മാരേട്ട്   നന്ദി രേഖപ്പെടുത്തി , ഫൊക്കാനയെ ഒരുമിച്ചു കൊണ്ടുപോകാനുള്ള പുതിയ നേതൃത്വത്തിന്റെ  പ്രവർത്തനത്തെ അവർ പ്രശംസിച്ചു.

ഫൊക്കാന ട്രസ്റ്റീ ബോർഡ് മെംബേർ ആയി തെരഞ്ഞെടുത്ത  ലീല മാരേട്ടിനെ പ്രസിഡന്റ് സജിമോൻ ആന്റണി അഭിനന്ദിച്ചു. ഇലക്ഷൻ കഴിഞ്ഞാൽ ഫൊക്കാന ഒന്നേയുള്ളു , ഇലക്ഷൻ  സമയത്തു വിപരീതമായി  മത്സരിച്ചാലും   ഇലക്ഷൻ കഴിഞ്ഞാൽ  ഫൊക്കാന ഒറ്റക്കെട്ടാണെന്നും അതിന്റെ ഉദാഹരണമാണ്  ലീല ചേച്ചിയുടെ നിയമനം എന്നും സജിമോൻ ആന്റണി അഭിപ്രായപ്പെട്ടു.

ട്രസ്റ്റീ ബോർഡ് ചെയർ  ജോജി തോമസ് , വൈസ് ചെയർ  സതീഷ് നായർ , ട്രസ്റ്റീ സെക്രട്ടറി ബിജു ജോൺ  എന്നിവരും ലീല മരോട്ടിനെ അഭിനന്ദിച്ചു സംസാരിച്ചു.

ട്രസ്റ്റീ ബോർഡ് മെംബേർസ് ആയ  ജോർജി വർഗീസ്  , കല ഷഹി , സണ്ണി മറ്റമന പ്രസിഡന്റ് സജിമോൻ ആന്റണി സെക്രട്ടറി ശ്രീകുമാർ ഉണ്ണിത്താൻ എന്നിവരും മീറ്റിങ്ങിൽ പങ്കെടുത്തു .