കൊല്ലം പ്രവാസി അസോസിയേഷന്‍ സല്‍മാബാദ് ഏരിയ കമ്മിറ്റിയുടെ ആഭിമുഖ്യത്തില്‍ ഗാന്ധിജയന്തിയോട് അനുബന്ധിച്ചു കിങ് ഹമദ് യൂണിവേഴ്‌സിറ്റി ഹോസ്പിറ്റലില്‍ വെച്ച് സംഘടിപ്പിച്ച സ്‌നേഹസ്പര്‍ശം 14-മതു രക്തദാന ക്യാമ്പ്  ശ്രദ്ധേയമായി. 70 പരം പ്രവാസികള്‍ രക്തദാനം നടത്തിയ ക്യാമ്പ് കെ  പി  എ  പ്രസിഡന്റ് അനോജ് മാസ്റ്റര്‍ ഉല്‍ഘാടനം ചെയ്യ്തു.   സല്‍മാബാദ്  ഏരിയ പ്രസിഡന്റ്  തുളസി രാമന്‍ അധ്യക്ഷനായ ചടങ്ങില്‍  ഏരിയ സെക്രട്ടറി  അനൂപ് യു എസ് സ്വാഗതവും  ഏരിയ ട്രഷറെര്‍  അബ്ദുള്‍ സലീം നന്ദിയും പറഞ്ഞു.   വിശിഷ്ടാഥിതികളായ ബഹ്റൈന്‍ ശൂരനാട് കൂട്ടായ്മ പ്രസിഡന്റ്  ഹരീഷ് നായര്‍, ഡോ. ആശ ശ്രീകുമാര്‍,  സെക്രെട്ടറിയറ്റ് കമ്മിറ്റി അംഗങ്ങളായ അനില്‍ കുമാര്‍,  കോയിവിള  മുഹമ്മദ്,  മനോജ് ജമാല്‍, സ്‌നേഹസ്പര്‍ശം  കണ്‍വീനര്‍  വി.  എം പ്രമോദ് എന്നിവര്‍ ആശംസകള്‍ അറിയിച്ചു.

ഏരിയ കോ - ഓര്‍ഡിനേറ്റര്‍മാരായ ലിനീഷ് പി. ആചാരി, ജോസ് മങ്ങാട്. ഏരിയ കമ്മിറ്റി അംഗങ്ങളായ അരുണ്‍ ബി. പിള്ള,  തസീബ്  എന്നിവര്‍  ക്യാമ്പിന് നേതൃത്വം നല്‍കി.  ചടങ്ങില്‍ കെ പി എ  സെന്‍ട്രല്‍ കമ്മിറ്റി, ഡിസ്ട്രിക് കമ്മിറ്റി, പ്രവാസി ശ്രീ അംഗങ്ങള്‍ പങ്കെടുത്തു.