അച്ഛനെന്നു വിളിക്കപ്പെടാൻ
അർഹതയില്ലാത്തവരോട്
മാറിയ കാലത്തെ മായക്കാഴ്ച
കണ്ട് നിലതെറ്റിയ അമ്മമാരോട്

മക്കളെ മനുഷ്യരായ് വളർത്താതെ
തെറ്റും,ശരിയും തിരിച്ചറിയാൻ
പഠിപ്പിക്കാതെയൊടുവിൽ,
തലതാഴ്ത്തി നിൽക്കേണ്ടിവരുന്നവരോടൊക്കെ

പാവം കുഞ്ഞുങ്ങൾ എന്തു പിഴച്ചു?
കുപ്പയിൽ എറിഞ്ഞുകളയാനും
കഴുത്ത് ഞെരിച്ചില്ലാതാക്കാനും മാത്രം
ശിശുക്കൾ തെറ്റൊന്നും ചെയ്തിട്ടില്ലല്ലോ!