ചെന്നൈ: പേര് മാറ്റിയതായി നടൻ ജയംരവി. താരം തന്നെയാണ് തന്റെ ഔദ്യോഗിക ഇൻസ്റ്റഗ്രാം പോസ്റ്റ് വഴി ഇക്കാര്യം അറിയിച്ചത്.

 രവി മോഹൻ എന്ന തലക്കെട്ടില്‍ താരം ഒരു കുറിപ്പ് പങ്കുവെച്ചു. പുതിയ പ്രതീക്ഷകളുമായാണ് പുതുവർഷത്തെ വരവേറ്റതെന്നും ഈ സമയത്ത് തന്റെ ജീവിതത്തിലെ പുതിയ അധ്യായത്തെക്കുറിച്ച്‌ പറയാൻ ആഗ്രഹിക്കുന്നുവെന്നും പറഞ്ഞാണ് പേര് മാറ്റത്തെക്കുറിച്ച്‌ താരം പറഞ്ഞ്.

ഇന്ന് മുതല്‍ താൻ രവി മോഹൻ എന്ന് അറിയപ്പെടും എന്നും താരം പറഞ്ഞു. ഈ പേരില്‍ തന്നെ ഇനി മുതല്‍ അഭിസംബോധന ചെയ്യണമെന്ന് എല്ലാവരോടും അഭ്യർത്ഥിക്കുന്നുവെന്നും താരം പറഞ്ഞു. താരത്തിന്റെ തീരുമാനത്തില്‍ വലിയ നിരാശയിലാണ് ആരാധകർ.