സ്നേഹിക്കുമ്പോൾ...

സ്നേഹിക്കുമ്പോൾ ആരുമില്ലാത്തവരെ സ്നേഹിക്കണം

കാരണം ഒരഗതിയുടെ സ്നേഹം പതഞ്ഞൊഴുകും ഒരരുവി പോലെ മോഹനമായിരിക്കും

അതിൻ്റെ ആഴവും പരപ്പും ആകാശം പോലെ വിസ്തൃതവും

അതിന് വീഞ്ഞിൻ്റെ ലഹരിയും

തേനിൻ്റെ മധുരവുമായിരിക്കും

ആ പ്രേമം നിന്നെ ഉന്മത്തനാക്കും

ആ ദിവ്യാനുഭൂതിയിൽ നീ 

ഒരടിമയായ് മാറും

അതെ, സ്നേഹിക്കുമ്പോൾ ആരുമില്ലാത്തവരെ സ്നേഹിക്കണം...

ആരുമില്ലാത്തവരെ സ്നേഹിക്കണം...