മലയാള ഭാഷതൻ മാധുര്യമോതിയ
മഹനീയ കവികൾ തൻ തൂലികത്തുമ്പിലെ

മനസിന്റെയാഴത്തിലുള്ളൊരു കല്പന
കവിതയായ് കാട്ടിയ സുന്ദര മലയാളം

അക്ഷര ശകലങ്ങളെണ്ണമറ്റാത്തൊരു
അക്ഷയപാത്രമായ് മാറിയ മലയാളം

ഹരിതാഭയുള്ളൊരാ കേരള മണ്ണിന്റെ
ഹരിതയാം ഭംഗിയിലലിയുന്നു മലയാളം

ആദിമ ദ്രാവിഡ ഭാഷതൻ സൗന്ദര്യ -
മാകെ ജ്വലിപ്പിച്ച മധുരമാം മലയാളം

തുഞ്ചത്തെഴുത്തച്ഛൻ ആത്മാവു നൽകിയ
മാമലനാടിൻ്റെ ഭാഷയാം മലയാളം

ഭാരതഭാഷതൻ ശ്രേഷ്ഠമാം ശ്രേണിയിൽ
വേറിട്ടു നിന്നൊരാ സുന്ദര മലയാളം

ഭാരത സംസ്കാരമുൾക്കൊണ്ടൊരാ ഭൂവിൻ
ഭാഷതൻ പ്രൗഢിയിലലിയുന്നു മലയാളം

മലനാട്ടിൻ മക്കളെ മറക്കാതിരിക്കണെ
മനതാരിലുണരുമീ മാതാവിൻ ഭാഷയെ...