ഇന്ത്യൻ സിനിമയുടെ മുഖച്ഛായ മാറ്റിയവരിൽ ഒരാളായി  കണക്കാക്കപ്പെടുന്ന മലയാള സിനിമയിലെ ഇതിഹാസ താരമാണ്  മോഹൻലാൽ. നാല് പതിറ്റാണ്ടിലേറെ നീണ്ട ശ്രദ്ധേയമായ കരിയറും 400-ലധികം സിനിമകളുടെ ഫിലിമോഗ്രാഫിയും ഉള്ള അദ്ദേഹം എണ്ണമറ്റ ശക്തമായ പ്രകടനങ്ങൾ കാഴ്ചവച്ചിട്ടുണ്ട്. ഇത്രയധികം സിനിമ  പാരമ്പര്യം ഉണ്ടായിരുന്നിട്ടും, താൻ ഇപ്പോഴും പഠിക്കുകയാണെന്നും ഒരു "നല്ല നടൻ" ആകാൻ ആഗ്രഹിക്കുന്നുവെന്നും മോഹൻലാൽ പറയുന്നു.

1978-ൽ പുറത്തിറങ്ങിയ "തിരനോട്ടം" എന്ന മലയാള സിനിമയിലൂടെ 18-ാം വയസ്സിലാണ് മോഹൻലാൽ അഭിനയരംഗത്തേക്ക് കടന്നത്. എന്നാൽ സെൻസർഷിപ്പ് പ്രശ്നങ്ങൾ കാരണം 25 വർഷം വൈകിയാണ് ഈ സിനിമ പുറത്തിറങ്ങിയത്. 64-കാരനായ താരത്തിന്റെ ആദ്യ സിനിമ 1980-ൽ പുറത്തിറങ്ങിയ "മഞ്ഞിൽ വിരിഞ്ഞ പൂക്കൾ" എന്ന പ്രണയ ചിത്രമായിരുന്നു. ഇതിൽ അദ്ദേഹം പ്രതിനായക വേഷമാണ് അവതരിപ്പിച്ചത്.
തന്റെ കരിയറിൽ ഉടനീളം, 2001-ൽ പത്മശ്രീ, 2019-ൽ പത്മഭൂഷൺ, 2009-ൽ ടെറിട്ടോറിയൽ ആർമിയിൽ ലെഫ്റ്റനന്റ് കേണൽ പദവി ലഭിച്ച ഇന്ത്യയിലെ ആദ്യ നടൻ എന്നിങ്ങനെ നിരവധി ബഹുമതികൾ അദ്ദേഹത്തിന് ലഭിച്ചിട്ടുണ്ട്.

"ഇത് നമ്മുടെ തൊഴിലിന്റെ ഭാഗമാണ്. നിങ്ങൾ മികച്ചവനാണെങ്കിൽ നിങ്ങൾക്ക് അവാർഡുകൾ ലഭിക്കും. നിങ്ങളുടെ സിനിമ നല്ലതാണെങ്കിൽ നിങ്ങൾക്ക് അവാർഡ് ലഭിക്കും. അത് വീണ്ടും ഒരു പ്രധാന ചോദ്യമാണ്. എങ്ങനെ? സഹപ്രവർത്തകർ കാരണം, തിരക്കഥ കാരണം, നല്ല സംവിധായകന്റെ കൂടെ ഒരു സിനിമ ചെയ്യുന്നു എന്ന വസ്തുത കാരണം. അവർ നമ്മളെ രൂപപ്പെടുത്തുകയാണ്. അതിനാൽ മുഴുവൻ ക്രെഡിറ്റും അവർക്കാണ്. ഒരു നടനല്ല." അദ്ദേഹം കൂട്ടിച്ചേർത്തു .

മോഹൻലാലിന്റെ ഏറ്റവും പുതിയ ചിത്രം 2019-ലെ ബ്ലോക്ക്ബസ്റ്റർ "ലൂസിഫറി"ന്റെ തുടർച്ചയായ "എൽ2: എമ്പുരാൻ" ആണ്. "എൽ2 എമ്പുരാൻ" അതിന്റെ ആദ്യ ഭാഗം പോലെ തന്നെ രാഷ്ട്രീയവും ആക്ഷനും സസ്പെൻസും ത്രില്ലും ദുരൂഹതയും നിറഞ്ഞതാണ്.

ഒരു ബ്ലോക്ക്ബസ്റ്റർ ഉണ്ടാക്കാനുള്ള മികച്ച ചേരുവയാണോ ഇതെന്ന്  ചോദിച്ചപ്പോൾ, അഞ്ച് ദേശീയ ചലച്ചിത്ര അവാർഡുകൾ നേടിയ നടൻ പറഞ്ഞത് ഇങ്ങനെയായിരുന്നു  "സീക്വൻസുകൾ എങ്ങനെ നിർമ്മിക്കുന്നു, ഒരു ഗാനം എങ്ങനെ സ്ഥാപിക്കുന്നു എന്നതാണ് കാര്യം. ഇതൊരു ബുദ്ധിപരമായ കാര്യമാണ്. ഇതൊരു രഹസ്യ പാചകക്കുറിപ്പല്ല, പക്ഷേ ആ ഫോർമാറ്റിൽ ആയിരിക്കുക എന്നത് വെല്ലുവിളി നിറഞ്ഞ കാര്യമാണ്. നിങ്ങൾക്ക് ഒരു ആക്ഷൻ ആവശ്യമുണ്ടെങ്കിൽ നിങ്ങൾ ഒരു ആക്ഷൻ ഇടണം.

"അങ്ങനെ എല്ലാം ചേർന്നുള്ള ഒരു കോമ്പിനേഷൻ ആണ് സിനിമ. പ്ലേസ്‌മെന്റ് ശരിയല്ലെങ്കിൽ അത് വർക്ക് ചെയ്യില്ല. എന്നാൽ ലൂസിഫർ പോലെ അതൊരു മികച്ച കോമ്പിനേഷനായിരുന്നു. വളരെ നന്നായി ഓർക്കസ്ട്രേറ്റ് ചെയ്ത, വളരെ നന്നായി നിർമ്മിച്ച തിരക്കഥ. അതിനാൽ തിരക്കഥയാണ് പ്രധാന കാര്യം. അത് എങ്ങനെ നടപ്പിലാക്കുന്നു എന്നതാണ് സംവിധായകന്റെ മികവ്."

തങ്ങൾ മനോഹരമായ ഒരു കലാസൃഷ്ടി പുറത്തിറക്കിയെന്നും തങ്ങൾ അത് പൂർണ്ണ നീതിയോടെയും പൂർണ്ണമായ സമഗ്രതയോടെയും ചെയ്തു
പ്രേക്ഷകർക്ക് മുന്നിൽ അവതരിപ്പിക്കുകയാണ്. ദയവായി അത് സ്വീകരിക്കുകയും ചിത്രത്തിനെകുറിച്ചുള്ള അഭിനന്ദനമോ അഭിപ്രായങ്ങളോ പ്രേക്ഷകർക്ക് നൽകണമെന്നും അദ്ദേഹം പറഞ്ഞു.