ഇംഗ്ലണ്ടിലെ ആദ്യകാല സുറിയാനി പള്ളികളിൽ ഒന്നായ ബിർമിങ്ഹാം  സെന്റ് ജോർജ് യാക്കോബായ സുറിയാനി പള്ളിയിൽ  വിശുദ്ധ ഗീവർഗീസ് സഹദായുടെ ഓർമപ്പെരുന്നാൾ  മെയ് 2, 3  തീയതികളിൽ ഭക്തി നിർഭരമായി ആഘോഷിക്കുന്നു. മെയ് 2 ന് (വെള്ളിയാഴ്ച) വൈകുന്നേരം  6 മണിക്ക്   കൊടിയേറ്റിനെ തുടർന്ന്  സന്ധ്യാ പ്രാർത്ഥനയും  ഭക്ത സംഘടനകളുടെ സംയുക്ത വാർഷികവും നടത്തപ്പെടും.
മെയ് 3 ശനിയാഴ്ച രാവിലെ 10 മണിക്ക് പ്രഭാതനമസ്കാരത്തെ തുടർന്ന്  വിശുദ്ധ മൂന്നിൻമേൽ കുർബാന അർപ്പിക്കും. തുടർന്നു ഭക്തിനിർഭരമായ  പ്രദക്ഷിണത്തിനും  ആശിർവാദത്തിനും ശേഷം നേർച്ച സദ്യയും ആദ്യഫല ലേലവും ഉണ്ടായിരിക്കും. വനിതാ സമാജത്തിന്റെ നേതൃത്വത്തിലുള്ള ഫുഡ് സ്റ്റാളും ഉണ്ടായിരിക്കും.
പെരുന്നാളിന്റെ വിപുലമായ ആഘോഷങ്ങൾക്ക് വിവിധ കമ്മറ്റികൾ  പ്രവർത്തിക്കുന്നതായി വികാരി റവ. ഫാദർ സിബി വാലയിൽ അറിയിച്ചു.
വിശുദ്ധ ഗീവർഗീസ് സഹദായുടെ മദ്ധ്യസ്ഥതയിൽ അനുഗ്രഹം പ്രാപിക്കുവാൻ  ഏവരെയും   ബിർമിങ്ഹാം യാർഡ്‌ലിയിലുള്ള St. Michael and All Angels Church, South Yardley, (B26 1 AP) ദേവാലയത്തിലേക്ക്   പെരുനാൾ കമ്മറ്റി സ്വാഗതം ചെയ്തു. കൂടുതൽ വിവരങ്ങൾക്ക് .  ട്രസ്റ്റി റജി മത്തായി  (07831274123), സെക്രട്ടറി ഷൈൻ മാത്യു  (07943095240).