നൂറ്റാണ്ടുകൾ മുതൽ സ്ത്രീകൾക്കിടയിൽ ഏറ്റവുമധികം ചർച്ച ചെയ്യപ്പെടുന്ന രണ്ട് പ്രശ്നങ്ങൾ – ശരീരഭാരം കൂടുന്നതും മുടികൊഴിച്ചിലുമാണ്. ഇതിന് പിറകെ വരുന്ന ഒരു വലിയ ചോദ്യമാണ്: "ഇവ രണ്ടും ഒരേ കാരണത്താലാണോ?"

ബന്ധമുണ്ടോ?

അതെ, ശരീരഭാര വർധനയും മുടികൊഴിച്ചിലും പലപ്പോഴും തമ്മിൽ ബന്ധപ്പെട്ടിരിക്കും. പ്രത്യേകിച്ചും ഹോർമോൺ അസന്തുലിതത്വങ്ങൾ , തൈറോയിഡ്, പോഷകക്കുറവ് തുടങ്ങിയ ഘടകങ്ങൾ രണ്ട് പ്രശ്നങ്ങൾക്കും കാരണമാകാറുണ്ട്.

പ്രധാനപ്പെട്ട കാരണങ്ങൾ

1. ഹോർമോൺ അസന്തുലിതത്വം (Hormonal Imbalance)

സ്ത്രീകളിൽ പൊളിസിസ്റ്റിക് ഒവറി സിന്‍ഡ്രോം (PCOS/PCOD) ഒരു പ്രധാന ഹോർമോൺ പ്രശ്നമാണ്. ഇതിലൂടെ ശരീരഭാരം ഉയരുകയും, മുടികൊഴിച്ചിലും ഉണ്ടാകുകയും ചെയ്യാം. സ്ത്രീകളിൽ പുരുഷഹോർമോണായ ആന്‍ഡ്രജന്‍ വര്‍ധിക്കുന്നത് തലമുടി കൊഴിയാൻ കാരണമായേക്കാം.

2. തൈറോയ്ഡ് പ്രശ്നങ്ങൾ

Hypothyroidism ആണെങ്കിൽ ഭാരം കൂടുകയും, തലമുടി കൊഴിയുകയും ചെയ്യും. വലിയൊരു ശതമാനം സ്ത്രീകളിൽ തൈറോയ്ഡ് കണ്ടുവരുന്നുണ്ട്, പ്രത്യേകിച്ച് 30 വയസ്സിന് മുകളിൽ.

3. പോഷകക്കുറവ്

പ്രോട്ടീന്‍, അയൺ, ബയോട്ടിൻ, വിറ്റാമിൻ D, സിങ്ക് എന്നിവ കുറയുമ്പോള്‍ മുടികൊഴിച്ചിലിന് വഴിവെക്കുന്നു. ഈ കുറവുകൾ ശരീരഭാരവും കൂടുവാൻ കാരണമാകുന്നു. പോഷകക്കുറവ് ശരിയായ മെറ്റബോളിസം നടക്കാതെ വരാൻ ഇടയാക്കുന്നു.

4. ആഹാരശീലവും ലൈഫ്‌സ്റ്റൈലും

റെഡിമെയ്ഡ് ഫുഡുകൾ,  ആഹാരക്രമം തെറ്റുക… ഇതെല്ലാം രണ്ട് പ്രശ്നങ്ങൾക്കും കാരണമാകുന്നു. ഉറക്കക്കുറവും ദൈനംദിന സമ്മർദ്ദവും അവഗണിക്കരുത്.

ഈ പ്രശ്നം തടയാൻ എന്തെല്ലാം ചെയ്യാം

ഹോർമോൺ പരിശോധന നടത്തി പ്രശ്നം തിരിച്ചറിയുക (PCOS, തൈറോയ്ഡ്, കോർട്ടിസോൾ ലെവൽ).

പോഷകാഹാരത്തിലേക്ക് മാറുക – Whole grains, leafy greens, nuts, eggs, protein-rich food എന്നിവ.

വ്യായാമം – ആക്റ്റീവ് ആയിരിക്കുക.

തലമുടിക്ക് പുറം പരിചരണത്തോടൊപ്പം അകത്തുനിന്നുള്ള ഭക്ഷണശീലവും പരിഗണിക്കുക.

ആരോഗ്യ വിദഗ്ധരുടെ സഹായം തേടുക, സ്വയം ചികിത്സ ഒഴിവാക്കുക.

സ്ത്രീകളിൽ ശരീരഭാര വർധനയും മുടികൊഴിച്ചിലുമെന്നത് പലപ്പോഴും അകത്തുള്ള പ്രശ്നത്തിന്റെ പ്രതിഫലങ്ങളാണ്. ഇതിന് ഹോർമോൺ അസന്തുലിതത്വം, പോഷകക്കുറവ്, ലൈഫ്‌സ്റ്റൈൽ എന്നിവ പ്രധാനകാരണമാകുന്നു. ശരിയായ പരിശോധനയും ജീവിതരീതിയിലുണ്ടാക്കുന്ന ചെറിയ മാറ്റങ്ങളും വലിയ മാറ്റങ്ങളിലേക്ക് നയിക്കും.