ഇടുക്കി ചാരിറ്റി ഗ്രൂപ്പ് യു കെ, ഇടുക്കി വിമലഗിരി സ്വദേശി  ബിനോയ് സെബാസ്റ്റ്യനു വേണ്ടി നടത്തിയ ഓണം ചാരിറ്റിയിലൂടെ ലഭിച്ച 2110  പൗണ്ട്  (ഏകദേശം 2,49264 രൂപ) ബിനോയിയുടെ ഭാര്യ സാലിക്ക്‌ കൈമാറി . ഇടുക്കി ചാരിറ്റിയുടെ പ്രതിനിധി, തോപ്രാംകുടി സ്വദേശിയും ഇപ്പോൾ  യു കെ യിലെ ഓസ്‌ഫോർഡ് ഷെയറിൽ താമസിക്കുന്ന  സൂസൻ ജസ്റിൻ  വിമലഗിരിയിലെ ബിനോയിയുടെ വീട്ടിൽ എത്തി സാമൂഹിക പ്രവർത്തകരുടെ സാന്നിദ്ധ്യത്തിൽ തുക കൈമാറി . ബിനോയ്  കോട്ടയം മെഡിക്കൽ കോളേജിൽ ചികിത്സയിലാണ്.ഇടുക്കി ചാരിറ്റിയുടെ ഈ എളിയ പ്രവർത്തനത്തെ സന്മനസോടുകൂടി കണ്ടു സഹായിക്കുന്ന എല്ലാ നല്ല യു കെ മലയാളികളെയും നന്ദിയോടെ ഓർക്കുന്നതായി ചാരിറ്റി ഗ്രൂപ്പ് പ്രതിനിധികൾ അറിയിച്ചു. 

ഇടുക്കി ചാരിറ്റി ഗ്രൂപ്പ് യു കെ, കേരളത്തിൽ നിന്നും യു കെയിൽ കുടിയേറിയ കഷ്ടപ്പാടും ബുദ്ധിമുട്ടും അറിഞ്ഞവരുടെ ഒരു കൂട്ടായ്‌മയാണ്‌.  കേരളത്തിലും, യു കെ യിലുമായി  സുതാരൃവും സതൃസന്ധവുമായി ജാതി ,മത ,വർഗ ,വർണ്ണ, സ്ഥല ,കാല ഭേദമെന്യേ   നടത്തിയ ചാരിറ്റി പ്രവർത്തനത്തിലൂടെ  ഇതുവരെ ഏകദേശം  1,45,00000 (ഒരുകോടി  നാൽപ്പത്തിഅഞ്ചു  ലക്ഷം) രൂപയുടെ സഹായം  അർഹിക്കുന്നവർക്കു  നൽകുവാൻ  കഴിഞ്ഞിട്ടുണ്ടെന്ന് ചാരിറ്റി ഗ്രൂപ്പ് നേതാക്കൾ വ്യക്തമാക്കുന്നു .

2004 ലെ സുനാമിക്ക്  പണം പിരിച്ച്  അന്നത്തെ മുഖ്യമന്തി ഉമ്മൻ ചാണ്ടിക്കു നൽകിക്കൊണ്ടാണ്  ഗ്രൂപ്പ്  പ്രവർത്തനം ആരംഭിച്ചത്. ഈ ചാരിറ്റി  പ്രവർത്തനത്തിനു കേരള കമ്മ്യൂണിറ്റി വിറാൾ,  UKKCA, മലയാളം യു കെ , പത്ര൦ , ലിവർപൂൾ ക്നാനായ കമ്മ്യൂണിറ്റി, പടമുഖം സ്നേഹമന്ദിര൦,  ലിവർപൂൾ മലയാളി അസോസിയേഷൻ (ലിമ) മുതലായവർ അവാർഡ്‌കൾ നൽകി ഗ്രൂപ്പിനെ  ആദരിച്ചിട്ടുണ്ട് .  

ഇടുക്കി ചാരിറ്റിക്കു നേതൃത്വ൦കൊടുക്കുന്നത് സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ്‌ 07803276626.എന്നിവർ ചേർന്നാണ് . തമ്പി ജോസാണ്‌ രക്ഷാധികാരി .