നീയും ഞാനും (കവിത: ജോസഫ്‌ നമ്പിമഠം)
Published on 24 May, 2015
മനോഹരമായ പുറംചട്ട കണ്ടാണ്‌
ഞാനാ പുസ്തകം വാങ്ങിയത്‌
യുവത്വത്തിന്റെ കണ്ണാടിക്കു
നിറങ്ങള്‍ എഴാണല്ലോ!!
അനേകരെ സാക്ഷിയാക്കി,
പുരോഹിതന്‍
അതെനിക്ക്‌ വെഞ്ചെരിച്ചു തന്നു
ഒരിക്കലും ഉപേക്ഷിക്കില്ലെന്ന്‌
പരസ്യമായി സത്യം ചെയ്യിച്ചു
പക്ഷെ,
തുറന്നു നോക്കിയപ്പോഴാണ്‌
തികച്ചും അജ്ഞാതമായ
ഒരു ലിപിയിലാണ്‌, അത്‌
എഴുതപ്പെട്ടിരിക്കുന്നതെന്നു
ബോധ്യമായത്‌
ഓരോ മനുഷ്യന്റെയും
ഹൃദയം പോലെ
അത്‌ വായിച്ചെടുക്കാന്‍
അറിവിന്റെ ലോകത്തിലുള്ള
ലിപികളെല്ലാം ഞാന്‍ ഞാന്‍ തിരഞ്ഞു
പുതിയ ലിപികള്‍ പഠിച്ചു
കാലമേറെ ചെന്നപ്പോള്‍
ധാരാളം ലിപികളറിയാവുന്ന
ഒരു ജ്ഞാനിയായി ത്തീര്‍ന്നു,ഞാന്‍
ഒരു പുരുഷായുസ്സു മുഴുവന്‍ ശ്രമിച്ചിട്ടും
ഈ ലിപികള്‍
ഇപ്പൊഴുമെനിക്കജ്ഞാതം
പുറംചട്ടയുടെ നിറം മങ്ങിയിട്ടും
അച്ചടി മഷിയുടെ തിളക്കം കുറഞ്ഞിട്ടും
പുസ്തകം ഞാനിന്നും സൂക്ഷിക്കുന്നു
നിധി കാക്കുന്ന ഭൂതം പോലെ.
(1998 ല്‍ മള്‍ബറി പ്രസിദ്ധീകരിച്ച നിസ്വനായ പക്ഷി എന്ന കവിതാ സമാഹാരത്തില്‍ നിന്ന്‌)
ഞാനാ പുസ്തകം വാങ്ങിയത്‌
യുവത്വത്തിന്റെ കണ്ണാടിക്കു
നിറങ്ങള്‍ എഴാണല്ലോ!!
അനേകരെ സാക്ഷിയാക്കി,
പുരോഹിതന്‍
അതെനിക്ക്‌ വെഞ്ചെരിച്ചു തന്നു
ഒരിക്കലും ഉപേക്ഷിക്കില്ലെന്ന്‌
പരസ്യമായി സത്യം ചെയ്യിച്ചു
പക്ഷെ,
തുറന്നു നോക്കിയപ്പോഴാണ്‌
തികച്ചും അജ്ഞാതമായ
ഒരു ലിപിയിലാണ്‌, അത്‌
എഴുതപ്പെട്ടിരിക്കുന്നതെന്നു
ബോധ്യമായത്‌
ഓരോ മനുഷ്യന്റെയും
ഹൃദയം പോലെ
അത്‌ വായിച്ചെടുക്കാന്‍
അറിവിന്റെ ലോകത്തിലുള്ള
ലിപികളെല്ലാം ഞാന്‍ ഞാന്‍ തിരഞ്ഞു
പുതിയ ലിപികള്‍ പഠിച്ചു
കാലമേറെ ചെന്നപ്പോള്‍
ധാരാളം ലിപികളറിയാവുന്ന
ഒരു ജ്ഞാനിയായി ത്തീര്‍ന്നു,ഞാന്‍
ഒരു പുരുഷായുസ്സു മുഴുവന്‍ ശ്രമിച്ചിട്ടും
ഈ ലിപികള്‍
ഇപ്പൊഴുമെനിക്കജ്ഞാതം
പുറംചട്ടയുടെ നിറം മങ്ങിയിട്ടും
അച്ചടി മഷിയുടെ തിളക്കം കുറഞ്ഞിട്ടും
പുസ്തകം ഞാനിന്നും സൂക്ഷിക്കുന്നു
നിധി കാക്കുന്ന ഭൂതം പോലെ.
(1998 ല്‍ മള്‍ബറി പ്രസിദ്ധീകരിച്ച നിസ്വനായ പക്ഷി എന്ന കവിതാ സമാഹാരത്തില്‍ നിന്ന്‌)
Facebook Comments
Comments
വായനക്കാരൻ 2015-05-25 19:20:42
ആജ്ഞാത ലിപികളിൽ
കടം‌കഥകൾ നിറഞ്ഞ
തുറക്കാനാവാത്ത പുസ്തകം
എന്നത് ഒരു നിത്യസത്യം.
നല്ല കവിത.
അശ്വപ്ലവഞ്ചാംബുദഗര്‍ജ്ജിതം ച
സ്ത്രീണാം ച ചിത്തം പുരുഷസ്യ ഭാഗ്യം
അവര്‍ഷണം ചാപ്യതിവര്‍ഷണം ച
ദേവോ ന ജാനാതി കുതോ മനുഷ്യഃ
കുതിര എപ്പോള്‍ ഓടുമെന്നതു്, എപ്പോള്‍ ഇടി മുഴങ്ങുമെന്നതു്, സ്ത്രീകളുടെ മനസ്സു്, പുരുഷന്റെ ഭാഗ്യം, മഴ പെയ്യാതിരിക്കുന്നതു്, ഇത്രയും കാര്യം ദൈവത്തിനു പോലും അറിയില്ല, പിന്നെ മനുഷ്യന്റെ കാര്യം പറയേണ്ടതില്ലല്ലോ.
വിദ്യാധരൻ 2015-05-25 20:30:58
ലോകത്തിലുള്ള ലിപിയൊക്കെ പഠിച്ചിടുമ്പോൾ
തോന്നുന്നു ചിലർക്ക് ജ്ഞാനിയായി
പിന്നെ തുടങ്ങുന്നു ഗതികേട് വേഗം
അല്പമാം ജ്ഞാനം അപകടം എന്നപോലെ
"ഒന്നും തിരിച്ചറിയുവാനരുതൊട്ടറിഞ്ഞോ-
രൊന്നും കഥിക്കകയുമില്ല കഥിച്ചുവെങ്കിൽ
എല്ലാമസത്യമിതുമല്ലതുമല്ല സത്യം
എന്നൊതുമിങ്ങനെ മറഞരുളുന്നു സത്യം" (വിശ്വരൂപം )
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala