എന്തായിരിക്കും ? (കവിത: ഷാജന്‍ ആനിത്തോട്ടം)
Published on 24 February, 2018
(കണ്ണൂര്‍ കൊലപാതകങ്ങളുടെ പശ്ചാത്തലത്തില്‍ എഴുതിയ കവിത)
"അടിക്കുവിന്‍ നിങ്ങള്‍, ചെന്നവന്റെ തലയുമറുക്കുക
അരിഞ്ഞു കീറുക ഞരമ്പുകള്‍, ഒഴുകട്ടെ നിണച്ചാലുകള്‍
അറിയട്ടെ ജനം, ചുറ്റികയരിവാളിന്‍ ശക്തിയത്രയും"
അടിമയാമനുയായിയതു കേള്‍ക്കുമ്പോളോര്‍ക്കുന്നതെന്തായിരിക്കും?
"വടിവാളുകളേന്തുവിന്‍, ഒപ്പമീ വെട്ടുകത്തിയും
വൈരികളെയൊറ്റതിരിച്ചു നിങ്ങളരിഞ്ഞു വീഴ്ത്തുവിന്‍
വെറും ഖദര്‍ധാരികളല്ലഹിംസാവാദികളുമല്ല നമ്മളിനി"
വീറോടെയതു കേള്‍ക്കുമ്പോളവരോര്‍ക്കുന്നതെന്തായിരിക്കും?
"കരിച്ചിലുകളൊരിക്കലും തളര്‍ത്തരുത് നിങ്ങളെ
കരങ്ങള്‍ വെട്ടിയെടുത്തവിടെ നാട്ടുക കാവിക്കൊടി
കരുത്തരാണ് നാം, ദില്ലിയിലുണ്ട് നമുക്ക് പിടി"
കരുണയില്ലാതതു കേള്‍ക്കുമ്പോളവനോര്‍ത്തതെന്തായിരിക്കും?
ചിരിച്ചും കളിച്ചുമുല്ലസിക്കേണ്ട നിറയൗവ്വനം
ചുടുചോര വീഴ്ത്തിയും ചുടലപ്പറമ്പുകളൊരുക്കിയും
ചതിയരാം നേതാക്കള്‍തന്‍ ചാവേറുകളായ്യിവിധം
ചിതയിലെരിയുമ്പോളവരുടെ അമ്മയോര്‍ക്കുന്നതെന്തായിരിക്കും?
"അടിക്കുവിന്‍ നിങ്ങള്‍, ചെന്നവന്റെ തലയുമറുക്കുക
അരിഞ്ഞു കീറുക ഞരമ്പുകള്‍, ഒഴുകട്ടെ നിണച്ചാലുകള്‍
അറിയട്ടെ ജനം, ചുറ്റികയരിവാളിന്‍ ശക്തിയത്രയും"
അടിമയാമനുയായിയതു കേള്‍ക്കുമ്പോളോര്‍ക്കുന്നതെന്തായിരിക്കും?
"വടിവാളുകളേന്തുവിന്‍, ഒപ്പമീ വെട്ടുകത്തിയും
വൈരികളെയൊറ്റതിരിച്ചു നിങ്ങളരിഞ്ഞു വീഴ്ത്തുവിന്‍
വെറും ഖദര്‍ധാരികളല്ലഹിംസാവാദികളുമല്ല നമ്മളിനി"
വീറോടെയതു കേള്‍ക്കുമ്പോളവരോര്‍ക്കുന്നതെന്തായിരിക്കും?
"കരിച്ചിലുകളൊരിക്കലും തളര്‍ത്തരുത് നിങ്ങളെ
കരങ്ങള്‍ വെട്ടിയെടുത്തവിടെ നാട്ടുക കാവിക്കൊടി
കരുത്തരാണ് നാം, ദില്ലിയിലുണ്ട് നമുക്ക് പിടി"
കരുണയില്ലാതതു കേള്‍ക്കുമ്പോളവനോര്‍ത്തതെന്തായിരിക്കും?
ചിരിച്ചും കളിച്ചുമുല്ലസിക്കേണ്ട നിറയൗവ്വനം
ചുടുചോര വീഴ്ത്തിയും ചുടലപ്പറമ്പുകളൊരുക്കിയും
ചതിയരാം നേതാക്കള്‍തന്‍ ചാവേറുകളായ്യിവിധം
ചിതയിലെരിയുമ്പോളവരുടെ അമ്മയോര്‍ക്കുന്നതെന്തായിരിക്കും?
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala