ചിന്തോദ്ദീപകമായ ഈ കവിത വായിച്ചപ്പോൾ ഓർമ്മയിൽ വന്നത് , യശ്ശശരീരനായ ഡോക്ടർ . ജോർജ്ജ് സുദർശൻ വർഷങ്ങൾക്ക് മുൻപ് മലയാളം സൊസൈറ്റിയിൽ  അവതരിപ്പിച്ച വേദചിന്തകളും ഊർജ്ജതന്ത്രവും എന്ന വിഷയമാണ് .  പ്രകാശത്തേക്കാൾ വേഗതയിൽ സഞ്ചിരിക്കുന്ന ടാക്കിയോണിനെക്കുറിച്ച് ആദ്യമായി പ്രസ്താപിച്ചത് ഡോക്‌ടർ ജോർജ് സുദര്ശനാണ് .  അത് കണ്ടുപിടിച്ചത് ഡോക്ടർ ജോർജ്ജ് സുദർശനാണെന്ന് , ഒരു ആംഭിമുഖ സംഭാഷണത്തിൽ , തെറ്റായി ചോദ്യകർത്താവ് പറഞ്ഞപ്പോൾ അദ്ദേഹം നാരായണീയത്തിലെ  ' 'ആസ്‌പഷ്ടം സ്പഷ്ടമാത്രേ പുനരുരു പുരുഷാർത്ഥകം ബ്രഹ്മ തത്വം' എന്ന പദ്യശകലം ഉദ്ധരിച്ചു കൊണ്ട് , താൻ പ്രകാശത്തേക്കാൾ വേഗതയുള്ള ടാക്കിയോൺ കണികൾ ഉണ്ട് എന്ന് നിർദ്ദേശം വച്ചതേയുള്ളൂ എന്നും .അസ്പഷ്ടമായ ഈശ്വരനെ വീണ്ടും വീണ്ടും അറിയാൻ ശ്രമിക്കുമ്പോൾ ഈശ്വരൻ സ്പഷ്ടമായി വരുന്നതുപോലെ , ശാസ്ത്ര സംമൂഹം ടാക്കിയോണിനെക്കുറിച്ചു ഗവേഷണവും അന്വേഷണവും നടത്തുമ്പോൾ    അത് കൂടുതൽ സ്പിസ്ഷ്ടമായി വരുമെന്ന് അദ്ദേഹം പറയുകയുണ്ടായി .  കവിയും ശാസ്ത്രജ്ഞരും അഗോചരമായ വസ്തുക്കളെ അന്വേഷിക്കുന്നവരാണ് . ഇവിടെ ന്യുട്രോൺ , പ്രോട്ടോൺ , ന്യുക്ലിയസ് എന്നിവയെ ബന്ധിപ്പിച്ചു നിറുത്തിയിരിക്കുന്ന ബയന്റിങ് എനെർജിയെ കുറിച്ച് പറഞ്ഞു കൊണ്ട് , മനുഷ്യബന്ധങ്ങളിൽ അതിനുള്ള സ്ഥാനം വിശദ്ധീകരിക്കുകയാണ് കവിയും ശാസ്ത്രജ്ഞനുമായ ഡോക്ടർ . ഇ. പൂമൊട്ടിൽ ചെയ്യുന്നത് .  എന്നെ സംബന്ധിച്ചടത്തോളം മനുഷ്യ ബന്ധങ്ങളിലെ ബയിന്റിങ് എനർജി എന്ന് പറയുന്നത് നിഷ്ക്കളങ്കവും , നിരുപാധികമായ സ്‌നേഹവുമാണ് . ശുദ്ധസ്നേഹമാണ് ദൈവവും .  അത് മനുഷ്യജാതിയിൽ കണ്ടെത്താൻ കഴിയുമ്പോൾ ഭൂമിയെ സ്വർഗ്ഗമാക്കി മാറ്റാൻ കഴിയും. അതിൽ ഒരു ശാസ്ത്രജ്ഞനുള്ള സംഭാവനയും ആർക്കും നിരാകരിക്കാനാവില്ല . 

ഈ ബെന്റിങ് എനര്ജിയെക്കുറിച്ചായിരിക്കും ഒരു പക്ഷെ കുമാരനാശാനും  ഒരെഴുത്ത് എന്ന കവിതയിൽ രേഖപ്പെടുത്തിയിരിക്കുന്നത് 

"ബ്രഹ്മം തൊട്ടണുജീവിയല്ല പരമാ-

     ണുക്കൾക്കുമുൾക്കാമ്പതിൽ 

ച്ചെമ്മേ നിൽപതഖണ്ഡമായ് വിലസിടു-

      ന്ന സ്നേഹമല്ലോ സഖേ"

നല്ലൊരു കവിതയ്ക്ക് നന്ദി 

  

 ഭൗതികശാസ്ത്രവും ജീവാത്മാവും 

'ആധുനിക ഭൗതികശാസ്ത്രമനുസരിച്ച് ഈ ലോകത്തിന്റെ മൂലഘടകമായിരിക്കുന്നത് പരമാണുക്കളാണ്. അവയെല്ലാം കാലദേശാനുസ്യുതയുടെ നിർദേശ തന്ത്രത്തിൽ സുഘടിതമായി വിരചിക്കപ്പെട്ടിരിക്കുന്നു. എന്നാൽ അതിനെ നാനാപദാർത്ഥങ്ങളുടെ സംഘാതം എന്നു കരുതരുതെന്നാണ് എറോൾ ഹാരിസ് (മെറ്റാ ഫിസിക്കൽ ഫൗണ്ടേഷൻ ഓഫ് സയൻസ്) പറയുന്നത് . കാലദേശങ്ങളെ നിത്യനിരതിശയമായ അനുസ്യുതതയായി എണ്ണുകയും അതിൽ വസ്തുക്കൾ ഇരിക്കുന്നു എന്ന് കരുതുകയും ചെയ്യുന്നതിന് പകരം ക്ഷേത്രഗണിതപ്രാധാന്യതയുള്ള അനന്തകോടി സംഭവങ്ങൾ നിരന്തരമായി ഉണ്ടായിക്കൊണ്ടിരിക്കുന്നുവെന്നും, ആ സംഭവങ്ങളെല്ലാം നിയമനം ചെയ്യുന്ന ഭൗതിക നിയമങ്ങൾ ഈ പ്രപഞ്ചത്തിൽ നിന്ന് അന്യഥാകരിക്കുവാൻ കഴിയാത്തമാതിരി നിലനിന്നുപോരുന്നവെന്നും പരിഗണിക്കണമെന്നുമാണ് അദ്ദേഹത്തിന്റ വാദം . ആധുനിക ഭൗതികശാസ്ത്രം വിശ്വവിധാനീയതയുടെ കരുവായ 'മാറ്ററിനെ' പ്പറ്റി പറയുന്നതൊക്കെ ജീവതമാവിന് യോജിക്കുന്നതാണ്. അനുഭവങ്ങളുടെ എല്ലാം മദ്ധ്യബിന്ദുവായ ഒരു ബോധത്തെ സ്വയം പ്രകാശതയുള്ളതായി കണക്കാക്കാമെങ്കിലും ആ ആത്മസ്ഫുലിംഗം ആയിരമായിരം അനുഭങ്ങളായി പിരിഞ്ഞ് നാമരൂപാത്മകമായ ഒരു പ്രപഞ്ചാനുഭവത്തിന്റെ നിരന്തര രചയിതാവായിരിക്കുന്നതായി വേദാന്തം പറയുന്നു " (ഭാരതീയ മനഃശാസ്ത്രത്തിന് ഒരാമുഖം -നിത്യചൈതന്യയതി)