ആര്‍ലിങ്ടണ്‍ : ഡി എഫ് ഡബ്ലിയു മെട്രോപ്ലെക്സിലെ ഇന്‍ഷ്വര്‍ ചെയ്യാത്ത/അണ്ടര്‍ ഇന്‍ഷുറന്‍സ് ഉള്ള മുതിര്‍ന്നവര്‍ക്ക്  പ്രാഥമിക വൈദ്യസഹായം നല്‍കുന്നതിന്  ഉദ്ദേശിച്ചുകൊണ്ടുള്ള  ആര്‍ലിങ്ടണ്‍  പ്രൈമറി ക്ലിനിക്കിന്റെ  ഉത്ഘാടനം ക്ലിനിക്ക് ലൊക്കേഷനില്‍ നിന്നുള്ള ടെക്‌സസ്  പ്രതിനിധി ടെറി മെസ നിര്‍വഹിച്ചു . ലാഭേച്ഛയില്ലാത്ത ആരോഗ്യ പരിരക്ഷാ സൗകര്യമൊരുക്കുന്ന ഈ ക്ലിനിക് ആര്‍ലിങ്ടണിലും പരിസര പ്രദേശങ്ങളിലും ഉള്ളവര്‍ക്ക് നിര്‍ധനരായ രോഗികള്‍ക്കു ആശാ സംഘേതമായി തീരട്ടെയെന്നു ടെറി മെസ ആശംസിച്ചു .

2023 മാര്‍ച്ച് 19-ഞായറാഴ്ച വൈകീട്ട് നാല് മണിക്ക് പൊതുജനങ്ങള്‍ക്കായി തുറന്ന  ആര്‍ലിംഗ്ടണിലെ അഞ്ചാമത്തെ ക്ലിനിക്കിന്റെ ഉത്ഘാടന ചടങ്ങില്‍ ഡിസ്ട്രിക്ട് 2x_1 ഗവര്‍ണര്‍ ലയണ്‍ ഫ്രെഡ് കോംഗറിന്റെ അധ്യക്ഷത വഹിച്ചു . 

2003-ല്‍ ലൂയിസ്വില്ലിലെ (ഡെന്റണ്‍ കൗണ്ടി) സ്ഥലത്ത് ആരംഭിച്ച ക്ലിനിക്ക് പ്ലാനോ (കോളിന്‍ കൗണ്ടി), ഡാളസ് (ഡാളസ് കൗണ്ടി) എന്നിവിടങ്ങളിലേക്ക് വ്യാപിച്ചു. ഇര്‍വിംഗ് ഡിഎഫ്ഡബ്ല്യു ഇന്ത്യന്‍ ലയണ്‍സ് ക്ലബ് ഫൗണ്ടേഷനാണു  ഈ പ്രോജക്ടിന്റെ സ്‌പോണ്‍സര്‍ ചെയ്തിരിക്കുന്നത് , കൂടാതെ ആവശ്യമായ സംമ്പത്തിക സഹായവും ഉദാരമായി നല്‍കിയിരിക്കുന്നത്.

2003 ജൂലൈയില്‍ ആരംഭിച്ചതു മുതല്‍, 175,000-ലധികം രോഗികള്‍-സന്ദര്‍ശകര്‍ക്ക് ക്ലിനിക്ക് പരിചരണം നല്‍കാന്‍ കഴിഞ്ഞതായി ഡോ ജോണ്‍ ജോസഫ് പറഞ്ഞു . ഈ ക്ലിനിക്കിന്റെ സേവനങ്ങള്‍, കമ്മ്യൂണിറ്റികളിലെ ഇന്‍ഷുറന്‍സ് ഇല്ലാത്തവര്‍ക്ക് വൈദ്യസഹായം എളുപ്പത്തില്‍ ലഭ്യമാക്കുന്നു, ഇത് നേരത്തെയുള്ള രോഗനിര്‍ണയത്തിനും അതിനാല്‍ മികച്ച ഫലത്തിനും കാരണമാകുന്നുണ്ടെന്നു ഡോക്ടര്‍ പറഞ്ഞു

1996 മുതല്‍ ഡാളസ്-ഫോര്‍ത്ത് വര്‍ത്തിനും അന്താരാഷ്ട്ര സമൂഹത്തിനും ഇന്ത്യന്‍ ലയണ്‍സ് ക്ലബ്ല സേവനം നല്‍കിവരുന്നു . ക്ലബ്ബ് അതിന്റെ ചാരിറ്റബിള്‍ പ്രോഗ്രാമുകള്‍ ഉള്‍പ്പെടെ  പ്രാദേശികവും അന്തര്‍ദ്ദേശീയവുമായ സമൂഹത്തിന് സഹായവും ധനസഹായവും നല്‍കുന്നു.

2023 മാര്‍ച്ച് 19-ന് പൊതുജനങ്ങള്‍ക്കായി തുറന്ന  ആര്‍ലിംഗ്ടണിലെ അഞ്ചാമത്തെ ക്ലിനിക്കും  ഓപ്പണ്‍ ഹൗസും തുടര്‍ന്നുള്ള സമ്മേളനത്തിനും  ജില്ലാ 2X-1 സോണ്‍ 6 ചെയര്‍ ലയണ്‍ ജോര്‍ജ്ജ് ജോസഫ് വിലങ്ങോലില്‍, ഇര്‍വിംഗ് DFW ഇന്ത്യന്‍ ലയണ്‍സ് ക്ലബ് പ്രസിഡന്റ് മാത്യു ജില്‍സണ്‍, മഞ്ചേരില്‍,ജില്ലാ-സംസ്ഥാന നേതാക്കള്‍. ഡിസ്ട്രിക്ട് 2x-1 ഗവര്‍ണര്‍ ലയണ്‍ ഫ്രെഡ് കോംഗര്‍, പാസ്റ്റ് കൗണ്‍സില്‍ ചെയര്‍ ലയണ്‍ ജോണ്‍ ഈഡ്, പാസ്റ്റ് കൗണ്‍സില്‍ ചെയര്‍ ജോ മൊണ്ടേജ്, പ്രൈമറി കെയര്‍ ക്ലിനിക് വോളണ്ടിയര്‍ ഡയറക്ടര്‍ ലയണ്‍ ഡോ. ജോണ്‍ ജോസഫ് എന്നിവര്‍ നേതൃത്വം നല്‍കി.

 സിറ്റി ഓഫ് കോപ്പല്‍ പ്രോ-ടേം മേയര്‍ ബഹു. ബുജു മാത്യു, ടാറന്റ് കൗണ്ടി കമ്മീഷണര്‍ അലിസ സിമ്മണ്‍സിന്റെ കമ്മ്യൂണിറ്റി റിലേഷന്‍സ് പ്രതിനിധി ഗബ്രിയേല്‍ റിവാസ് എന്നിവര്‍ ഇര്‍വിംഗ് DFW ഇന്ത്യന്‍ ലയണ്‍സ് കബ്സിന്റെ മികച്ച കമ്മ്യൂണിറ്റി സേവനങ്ങളെ അഭിനന്ദിച്ചു.
 
ടാരന്റ് കൗണ്ടിയിലാണ് ആര്‍ലിംഗ്ടണ്‍ ക്ലിനിക്ക് സ്ഥിതി ചെയ്യുന്നത്. ഡിസ്ട്രിക്ട് 2E-2 ഗവര്‍ണര്‍ ലയണ്‍ വുഡി മാത്യൂസ് തന്റെ മേഖലയിലെ വളര്‍ച്ചയ്ക്കായി ക്ലിനിക്കിന് തന്റെ എല്ലാ പിന്തുണയും സഹായവും വാഗ്ദാനം ചെയ്തു.ലയണ്‍ ലീഡര്‍മാരായ വൈസ് ഡിസ്ട്രിക്ട് ഗവര്‍ണര്‍ രാധാകൃഷ്ണ കാപ്ലെ, റീജിയണല്‍ ചെയര്‍ ബി എന്‍ പാന്ത, ഡോ ജോണ്‍ ജോസഫ് എന്നിവര്‍ ക്ലിനിക്കിന്റെ പ്രവര്‍ത്തനത്തെക്കുറിച്ചും  ലയണ്‍ സേവനങ്ങള്‍ സമൂഹത്തിലേക്ക് എത്തിക്കേണ്ടതിന്റെ പ്രാധാന്യത്തെക്കുറിച്ചും സംസാരിച്ചു.

 മുന്‍ ഡിസ്ട്രിക്ട് ഗവര്‍ണര്‍മാരായ ഐപിഡിജി എസ്‌മെറാള്‍ഡ റോഡ്രിഗസ്, പിഡിജി ബില്‍ സ്‌മോതര്‍മാന്‍, പിഡിജി കാഥില്‍ന്‍ ഫ്‌ലെച്ചര്‍, പിഡിജി വിനോദ് മാത്തൂര്‍, പിഡിജി ആലീസ് കോണ്‍വേ, പിഡിജി വെയ്ന്‍ മീച്ചം, പിസിടി ഡാനി ഫ്‌ലെച്ചര്‍, ഗ്ലോബല്‍ ലീഡര്‍ഷിപ്പ് ടീം ലീഡര്‍ ഡോ. നിയ മക്കെയും മാനുവല്‍ പലവിഞ്ചിയും കൂടാതെ നിരവധി ക്ലബ്ബ് പ്രസിഡന്റുമാരും ഒഫീഷ്യല്‍സും വിശിഷ്ടാതിഥികളായി പങ്കെടുത്തു.

പ്രൈമറി കെയര്‍ ക്ലിനിക് ബോര്‍ഡ് ഡയറക്ടര്‍മാരായ ലയണ്‍സ് ജോണ്‍ ജോയ്, പീറ്റര്‍ നെറ്റോ, എ പി ഹരിദാസ്, ആന്റോ തോമസ്,ഇര്‍വിംഗ് ഡിഎഫ്ഡബ്ല്യു ഇന്ത്യന്‍ ലയണ്‍സ് ക്ലബ്ബ് നേതാക്കളായ ലയണ്‍സ് ജോജി ജോര്‍ജ്, സത്യന്‍ കല്യാണദുര്‍ഗ്, രാജു കട്ടാടി, അഞ്ജു ബിജിലി, റോയ് ചിറയില്‍, ജോസഫ് ആന്റണി, ജോജോ പോള്‍, ജീന പോള്‍, ജോര്‍ജ് അഗസ്റ്റിന്‍, ഓസ്റ്റിന്‍ സെബാസ്റ്റിന്‍, സെബാസ്റ്റ്യന്‍ വലിയ പറമ്പില്‍, ജെയിംസ് ചെമ്പ്, ആന്‍സി ജോസ്, ബിജിലി ജോര്‍ജ്,എന്നിവര്‍ക്കു പുറമെ  കമ്മ്യൂണിറ്റി നേതാക്കളായ പി പി ചെറിയാന്‍, ഷിജു എബ്രഹാം, സെബാസ്റ്റ്യന്‍ ജോര്‍ജ് എന്നിവരും പരിപാടിയില്‍ പങ്കെടുത്തു.

ലയണ്‍സ് ക്ലബ്‌സ് ഇന്റര്‍നാഷണല്‍ ലോകമെമ്പാടുമുള്ള 200-ലധികം രാജ്യങ്ങളിലും ഭൂമിശാസ്ത്രപരമായ പ്രദേശങ്ങളിലുമായി ഏകദേശം 46,000 ക്ലബ്ബുകളിലായി 1.4 ദശലക്ഷത്തിലധികം അംഗങ്ങളുള്ള ലോകത്തിലെ ഏറ്റവും വലിയ സര്‍വീസ് ക്ലബ്ബ് ഓര്‍ഗനൈസേഷനാണ്.

പി പി ചെറിയാന്‍