വാഷിംഗ്ടണ്‍ ഡി സി : ഉക്രെയ്നു 40 ബില്യണ്‍ ഡോളര്‍ അടിയന്തര ഫണ്ട്, ദുരന്തനിവാരണത്തിനായി അനുവദിക്കണമെന്ന് കോണ്‍ഗ്രസ് നേതാക്കളോട് ബൈഡന്‍ ഭരണകൂടം അഭ്യര്‍ത്ഥിച്ചു . ഉക്രെയ്‌നിനുള്ള 13 ബില്യണ്‍ ഡോളര്‍ സൈനിക സഹായവും ഫെഡറല്‍ ദുരന്ത നിവാരണത്തിന്റെ ബില്യണ്‍ കണക്കിന് ഡോളറും ഉള്‍പ്പെടുന്നു.

പ്രസിഡന്റ് ജോ ബൈഡന്‍ വ്യാഴാഴ്ച ഔപചാരികമായി അഭ്യര്‍ത്ഥിച്ച പണത്തില്‍ യുക്രെയ്നിന് 24 ബില്യണ്‍ ഡോളറിലധികം സഹായവും ഫെഡറല്‍ ദുരന്ത നിവാരണത്തിനു  12 ബില്യണ്‍ ഡോളറും കുടിയേറ്റക്കാര്‍ക്കുള്ള അഭയവും സേവനങ്ങളും പോലുള്ള തെക്കന്‍ അതിര്‍ത്തിയിലെ പ്രശ്നങ്ങള്‍ പരിഹരിക്കാന്‍ 4 ബില്യണ്‍ ഡോളറും ഉള്‍പ്പെടുന്നു.

ബൈഡന്റെ അടിയന്തര സഹായാഭ്യര്‍ത്ഥന കാപ്പിറ്റോള്‍ ഹില്ലില്‍ കൂടുതല്‍ അസ്വസ്ഥത ഉണ്ടാക്കും,  സെപ്തംബര്‍ 30-നുള്ള സര്‍ക്കാര്‍ അടച്ചുപൂട്ടല്‍ ഒഴിവാക്കാന്‍ നിയമനിര്‍മ്മാതാക്കള്‍ കര്‍ശനമായ നടപടികള്‍ സ്വീകരിച്ചുവരുന്നതിനിടയിലാണ്  അധിക പണത്തിനായി വൈറ്റ് ഹൗസിന്റെ അഭ്യര്‍ത്ഥന.

റഷ്യന്‍ ആക്രമണത്തിനെതിരായ യുദ്ധത്തില്‍ ഉക്രെയ്നെ  സഹായിക്കുന്നതിനു യുഎസ് പ്രതിജ്ഞാബദ്ധമാണ് , അത് ഈ വര്‍ഷം മുഴുവന്‍ തുടരുമെന്ന് തോന്നുന്നു. എന്നാല്‍ രാജ്യത്തിന് ഇതിനകം അനുവദിച്ച 43 ബില്യണ്‍ ഡോളര്‍ സഹായം എങ്ങനെ ചെലവഴിച്ചു എന്നതിന്റെ പൂര്‍ണ്ണമായ കണക്കുകളില്ലാതെ ഉക്രെയ്നിന് മറ്റൊരു പൈസ നല്‍കുന്നതിനെ സഭയിലെ കടുത്ത യാഥാസ്ഥിതികര്‍ ശക്തമായി എതിര്‍ക്കുന്നു.

ബൈഡന്റെ അഭ്യര്‍ത്ഥനയനുസരിച്ചു  ധനസഹായം നല്‍കാന്‍ ''സെനറ്റില്‍ ശക്തമായ ഉഭയകക്ഷി പിന്തുണ'' ഉണ്ടെന്ന് സെനറ്റ് ഭൂരിപക്ഷ നേതാവ് ചക്ക് ഷുമര്‍ പ്രസ്താവനയില്‍ പറഞ്ഞു.

''അനാവശ്യമായ സര്‍ക്കാര്‍ അടച്ചുപൂട്ടല്‍ ഒഴിവാക്കാനും ഈ നിര്‍ണായകമായ അടിയന്തര അനുബന്ധ അഭ്യര്‍ത്ഥനയ്ക്ക് ധനസഹായം നല്‍കാനും  റിപ്പബ്ലിക്കന്‍ സഹപ്രവര്‍ത്തകരുമായി ചേരുമെന്ന് ഞങ്ങള്‍ പ്രതീക്ഷിക്കുന്നു,'' അദ്ദേഹം പറഞ്ഞു.

കനത്ത പോരാട്ടവും നൂറുകണക്കിന് മൈല്‍ മുന്‍നിരയില്‍ ശക്തമായ റഷ്യന്‍ പ്രതിരോധവും കാരണം പീരങ്കി വെടിക്കോപ്പുകളുടെയും മറ്റ് സപ്ലൈകളുടെയും നിര്‍ണായക വിതരണങ്ങള്‍ കുറയുന്നതിനാല്‍, മാസങ്ങള്‍ നീണ്ട സൈനിക പ്രവര്‍ത്തനങ്ങള്‍ക്ക് ഈ പണം ഉക്രെയ്നെ സജ്ജമാക്കും. മിതവാദികളായ റിപ്പബ്ലിക്കന്‍മാര്‍ക്കും ഡെമോക്രാറ്റുകള്‍ക്കും ഫിനിഷിംഗ് ലൈനില്‍ ധനസഹായം ലഭിക്കുമെന്ന് അദ്ദേഹം പ്രവചിച്ചു.

പി പി ചെറിയാന്‍