ചില വീടുകൾ
വലിയൊരു  ഉപകരണമാണ് .
അവിടെ ചലിക്കുന്ന യന്ത്രങ്ങൾ പോലെ മരവിച്ച ഉടലുകൾ !
വാക്കു തൊണ്ടയിൽത്ത ടഞ്ഞ വക്കുപൊട്ടിയ കിണ്ടി !
ക്ലാവുപിടിച്ച പകൽ !

ഒരൊ മുറിയും ഉറക്കം തൂങ്ങിയ ഓർമ്മ കണക്കെ നിശ്ചലം .
.
വരാമെന്നു പറഞ്ഞ കാറ്റ് എത്രതവണ വാക്കു  തെറ്റിച്ചു ?

മുറ്റത്തു കൊന്നപൂത്തപ്പോൾ
ചിരിച്ച പൂത്തുമ്പികൾ ,
കര കയറിവന്ന  തിരമാലകൾ ,
കൊലുസിട്ട ചെറുപാദങ്ങൾ ,
കിലുകിലാമിണ്ടിത്തുടങ്ങിയ ഇളം കുയിലുകൾ ,

അപ്പോഴാണ്  മരവിച്ച  ഉടലുകളിൽ  ചിരി  പടർന്നത് യന്ത്രപ്പകലുകൾ പൊട്ടിചിരിച്ചത് .
മഴപെയ്തു  കുളിരു മണ്ണിൽ  താണത് .

മുളപൊട്ടിയ  ആനന്ദം  സുര്യനെ നോക്കി .

വീടു തളിർത്തു .