(Walk Away Tomorrow: S. Paul)

നാളെയെ  എന്നിൽ നിന്ന് അകന്നു പോകു
എനിക്കുവേണ്ടി നിന്റെ കയ്യിൽ ഒന്നുമില്ല
നരിച്ചീറുകൾ വസിക്കുന്ന നിന്റെ മണി-
ഗോപുരത്തിൽ ഞാൻ കയറുകില്ല.

നിന്റെ വാഗ്ദാനങ്ങൾ  ഒന്നും ഇനി ഞാൻ വാങ്ങില്ല
നിന്നെക്കുറിച്ച് ഒരു സ്തുതിഗീതങ്ങളും ഞാൻ പാടുകയില്ല
നാളെയെ  എന്നിൽ നിന്ന് അകന്നു പോകു
ഞാൻ ഏറെ നല്ല ദിവസങ്ങൾ കണ്ടിട്ടുണ്ട്

ഇന്നലകളെ എന്നെ വിട്ടു പോകു
നീ നിന്റെ ഓർമ്മകളും  കൊണ്ടുപൊയ്ക്കൊള്ളൂ
ചെരുപ്പിനുള്ളിലെ മണൽത്തരിപോലെ
അതെന്റെ മനസ്സിൽ ഉല്കൃഷ്ടമാണ്

നിന്റെ  ഗാനത്തിലെ വരികൾ ഞാൻ മറന്നുകഴിഞ്ഞു
അതിന്റെ സംഗീതവും മാഞ്ഞുകഴിഞ്ഞു
ഇന്നലെകളെ എന്നിൽ നിന്ന് അകന്ന്‌ പോകു
നീ സ്ഥലം വിട്ടുപ്പോകു

എന്നിൽ നിന്ന് അകന്നുപോകു അപരിചിതാ
നിന്റെ ദിവസങ്ങൾ നീ ചിലവഴിച്ചുകഴിഞ്ഞു
നിന്റെ ഒരു കഥകളും മേലിൽ ഞാൻ കേൾക്കുകില്ല
നിന്റെ നീണ്ട ജീവിതത്തിന്റ കരച്ചിലുകളും

നിന്റെ വേദനകളെക്കുറിച്ചുള്ള ഒരു വർത്തമാനവുമില്ല,
നീ കടന്നുപോയ ജീവിത പരീക്ഷകളെക്കുറിച്ചും
എന്നിൽ നിന്ന് അകന്നുപോകു പഴയ അപരിചിതാ
ഇവിടെ ഞാൻ നിന്നോടൊപ്പം നടക്കുമ്പോൾ

(മൊഴിമാറ്റം:  ജി. പുത്തൻകുരിശ്)