ടൈംസ് ഓഫ് ലണ്ടന്‍ റിപ്പോര്‍ട്ട് അനുസരിച്ച്, ഒരു ലളിതമായ രക്തപരിശോധനയിലൂടെ അല്‍ഷിമേഴ്‌സ് വരാനുള്ള സാധ്യത 15 വര്‍ഷം മുന്‍പു തന്നെ തിരിച്ചറിയാന്‍ കഴിയുമെന്ന് ഗവേഷണം കാണിക്കുന്നു.

സ്വീഡനിലെ ഗോഥെന്‍ബര്‍ഗ് സര്‍വകലാശാലയിലെ ന്യൂറോളജിക്കല്‍ ശാസ്ത്രജ്ഞര്‍, ഫോസ്ഫോറിലേറ്റഡ് ടൗ 217 (pTau 217) എന്നറിയപ്പെടുന്ന ഒരു പ്രോട്ടീന്റെ സാന്നിദ്ധ്യം പരിശോധിക്കുന്നതിനുള്ള വഴികള്‍ കണ്ടെത്തിയതോടെയാണ്, ഇത് സാധ്യമായത്. 

അമേരിക്കന്‍ മെഡിക്കല്‍ അസോസിയേഷന്റെ ജേണലില്‍ പ്രസിദ്ധീകരിച്ച ഒരു പഠനമനുസരിച്ച്, പരിശോധനാരീതി ALZpath എന്ന കമ്പനി സൃഷ്ടിച്ചതാണ്, കൂടാതെ ഒരു വ്യക്തിയുടെ രോഗസാധ്യതയെക്കുറിച്ച് അറിയാന്‍ സാധിക്കുന്ന താരതമ്യേന വേദനയില്ലാത്തതും ചെലവ് കുറഞ്ഞതുമായ ഒരു ബദല്‍ മാര്‍ഗമാണിത്.

ALZpath-ന്റെ pTau217 ടെസ്റ്റ്, അല്‍ഷിമേഴ്സ് രോഗത്തിന്റെ മുഖമുദ്രയായ തലച്ചോറിലെ അമിലോയിഡ് ഫലകങ്ങളുടെ സാന്നിധ്യം നിര്‍ണ്ണയിക്കാന്‍ ആരോഗ്യ സംരക്ഷണ ദാതാക്കളെ സഹായിക്കും - ALZpath-ന്റെ ചീഫ് സയന്റിഫിക് ഓഫീസര്‍ ഡോ. ആന്‍ഡ്രിയാസ് ജെറോമിന്‍ പറഞ്ഞു.

786 രോഗികളില്‍ മൂന്ന് സ്വതന്ത്ര ക്ലിനിക്കല്‍ പഠനങ്ങള്‍, ALZpath തലച്ചോറിനുള്ളില്‍ അല്‍ഷിമേഴ്‌സിനു കാരണമാകുന്ന പ്രോട്ടീനുകളായ അമിലോയിഡ് കണക്കള്‍ തിരിച്ചറിയുന്നതില്‍ ഉയര്‍ന്ന ഡയഗ്‌നോസ്റ്റിക് കൃത്യത നല്‍കുന്നുവെന്ന് കാണിച്ചു. ജനുവരി അവസാനത്തോടെ ഈ ഏറ്റവും പുതിയ മുന്നേറ്റം ക്ലിനിക്കല്‍ ഉപയോഗത്തിന് ലഭ്യമാകുമെന്നും വാണിജ്യാടിസ്ഥാനത്തില്‍ ലഭ്യമാകുമെന്നും കമ്പനി അറിയിച്ചു.  

സെറിബ്രോസ്‌പൈനല്‍ ഫ്‌ലൂയിഡ് ടെസ്റ്റുകളും തലച്ചോറിലെ അല്‍ഷിമേഴ്സ് രോഗസാധ്യത  തിരിച്ചറിയുന്നതിനുള്ള മസ്തിഷ്‌ക സ്‌കാനുകളും പോലുള്ള നൂതന പരിശോധനകള്‍ പോലെ  രക്തപരിശോധനയും കൃത്യമായിരുന്നു എന്നതാണ് പഠനം കാണിക്കുന്നത്. 

മള്‍ട്ടിവിറ്റാമിനുകള്‍ കഴിക്കുന്നത് ഡിമെന്‍ഷ്യയെ അകറ്റുമെന്നും പ്രത്യേക ഗവേഷണം കണ്ടെത്തി.