ശശി : പതിവിലും കൂടുതല്‍ വരള്‍ച്ചയാണത്രെ ഇത്തവണ കേരളം നേരിടാന്‍ പോകുന്നത്.

സുഹാസിനി : ഏപ്രില്‍, മെയ്  വേനല്‍ കിടക്കുന്നതേ ഉള്ളു , കിണറുകളില്‍ ഇപ്പോഴേ ഉരി വെള്ളമായി.

ശശി :  പ്രകൃതി ചൂഷണമാണ് വര്‍ഷം തോറും വരള്‍ച്ച കൂടാന്‍ കാരണം

സുഹാസിനി :   മണല്‍ വാരി പുഴ കാടാക്കി തന്നിട്ടും പ്രകൃതി ചൂഷണം എന്ന് പറയരുത്

ശശി :  നിയന്ത്രണമില്ലാത്ത കരിങ്കല്‍ ക്വാറികളാണ്  സമീപത്തെ കിണറുകള്‍ ഇത്ര പെട്ടെന്ന് വറ്റാന്‍ കാരണം.

സുഹാസിനി : എന്നാര് പറഞ്ഞു? ക്വാറികള്‍ക്ക് അനുമതി നല്‍കുന്നത് ജലക്ഷാമം കുറക്കാനാണ് 

ശശി : ഇതെവിടുത്തെ അറിവാ?

സുഹാസിനി :  ഓ ഒരു കാക്കയുടെ ബുദ്ധി പോലും ഇല്ലേ നിങ്ങള്‍ക്ക്, പണ്ട് കുടത്തില്‍ കല്ലിട്ടല്ലേ കാക്ക കുടത്തിനടിയിലെ വെള്ളം മുകളിലെത്തിച്ചത്.

ശശി : അതുകൊണ്ട്?

സുഹാസിനി : ക്വാറിയിലെ കല്ലുരുട്ടി കിണറ്റിലിട്ടാല്‍  വറ്റിയ കിണറിലെ അടിയിലുള്ള വെള്ളം പൊങ്ങി വരില്ലേ. അല്ല പിന്നെ.