കൊടും ചൂടിലാ, മുറ്റത്തെ വാടിയിലൊട്ടു
പൂക്കളും വാടിനിന്നീടവേ

പീതവർണ്ണ സുശോഭയാലവളതാ 
ഹർഷമേകി കുളിർചൂടിപിന്നെയും

കത്തിനിൽക്കുമാ ദിനകരരശ്മികൾ
എത്തിനോക്കുമോരുഗ്രമാം ദൃഷ്ടിയോ

തൊട്ടതില്ലൊരാ മേനിയിലെങ്കിലും
ചുറ്റുമല്ലോ കരിഞ്ഞൂ തരുക്കളും

ഉഷ്ണതാപത്താലാശകളൊക്കെയു-
മിറ്റുവീഴുമ്പോളശ്രുവായ് മനുജൻ്റെ

ലോകകാപട്യമറിയാതെയെത്തിയീ
കർണ്ണികാരക്കണിയുമായ് വിഷുവല്ലോ