സ്‌നേഹത്തിന്‍ മൂര്‍ത്തിയാണെന്നമ്മ
ത്യാഗത്തിന്‍ ബലിയാണെന്നമ്മ
സൃഷ്ടിയില്‍ ശ്രേഷ്ടമാണെന്നമ്മ
തൂമഞ്ഞിന്‍ വെണ്‍മയാണെന്നമ്മ.

ജീവന്റെ തുടിപ്പാണ് എന്റയമ്മ
സര്‍വ്വ ചരാചരങ്ങള്‍ക്കുമേ
ജീവന്റെ ഉറവിടവും നീയേ
ദൈവത്തിന്‍ വരദാനവും നീയേ.

നന്മതന്‍ വരദാനവും നീയേ
ആത്മാവിന്‍ വരദാനവും നീയേ
നീ തെളിച്ച മാര്‍ഗ്ഗത്തിലൂടെ
നന്മ വിതച്ചു മുന്നേറുന്നു ഞങ്ങള്‍.

അമ്മതന്‍ ഹൃദയത്തുടിപ്പുകള്‍ 
ഏറ്റുപാടിയെന്‍ ഹൃദയം
എവിടെ നീയുണ്ടെങ്കില്‍
അവിടെയാണ് സ്വര്‍ഗ്ഗം.!!!