നിബന്ധനകളാൽ
ശ്വാസം മുട്ടി പിടയുമ്പോഴും
മൂകമായൊഴുകുന്നുണ്ടൊരു  പ്രണയം...
ഒരുവനിലേക്ക് മാത്രമായ്....
ഉത്തരമറിയാത്ത ചോദ്യങ്ങളുടെ
വേലിയേറ്റം കഴുത്തറ്റം എത്തുമ്പോഴും
ശ്വാസമടക്കിപ്പിടിച്ചിരിക്കണം...
പ്രിയപ്പെട്ടത്
നഷ്ടപ്പെടാതിരിക്കണമെങ്കിൽ
അതിർ വരമ്പുകൾ
ഭേദിക്കാതിരിക്കണം...
ആഗ്രഹങ്ങളും സ്വപ്നങ്ങളും
ഒരു ഭാണ്ഡക്കെട്ടിൽ മുറുക്കി
തട്ടിൻപുറത്തേക്കിടണം...
സ്വപ്നങ്ങൾ
ചുണ്ടെനെലികൾ കരണ്ടാലും
കണ്ണടച്ചിരിക്കണം....
എതിർക്കരുത്...
ഒച്ച ഉയരരുത്...
ആവശ്യപ്പെടരുത് ഒന്നും...
സ്നേഹിക്കുക...
സ്നേഹിക്കുക മാത്രം....
കിട്ടുന്നതെന്തോ...
അതിൽ തൃപ്തിപ്പെടുക ...
                ദേവു