ഇ-മലയാളിയുടെ ഓണം രചനകളിലേക്ക്

അത്തപ്പൂവിട്ട് മെഴുകാൻ
എന്നുള്ളിലിടം തേടികൊണ്ട-
നുരാഗ പൂങ്കുലയേന്തി
അഴകോലും പെൺകൊടി വന്നു
വെയിലാട ചുറ്റിയുടുത്ത്
കാർകൂന്തൽ കോതിമിനുക്കി
ചുണ്ടത്തൊരു ചിരി മറവച്ച്
അവളാരും കാണാതെത്തി
തൊടുക്കുറികൾ കൈമാറുമ്പോൾ
അർഘയാതി പൂജക്കായി
കരളിന്റെ കോവിലിൽ നിന്നും
പൂവമ്പനൊരുങ്ങിയടുത്തു
തൃക്കാക്കരയപ്പനുടഞ്ഞു
തുമ്പപ്പൂ ചിന്നി ചിതറി
നാക്കിലയിൽ ഓണക്കോടി
നാണം പൂണ്ടൊളിച്ചിരുന്നു
പൂജിച്ച ചന്ദനഗന്ധം
ഉയരുന്ന  സുഗന്ധധൂമം
ഓണത്തിനല്ല ഞങ്ങൾ
പ്രേമത്തിൻ  പുത്തരി കുത്തി
അത്തപ്പൂവിട്ട് മെഴുകാൻ
എന്നുള്ളിലിടം തേടികൊണ്ട-
നുരാഗ പൂങ്കുലയേന്തി
അഴകോലും പെൺകൊടി വന്നു
ശുഭം
എല്ലാർക്കും ഓണാശംസകൾ