വാൻകൂവർ:  ബ്രിട്ടിഷ് കോളോംബ്യയിലെ ആദ്യ കാല ദേവാലയങ്ങളിലൊന്നായ  സെന്റ് ജോർജ് മലങ്കര ഓർത്തഡോക്സ് ചർച്ച്, വാൻകൂവർ, കഴിഞ്ഞ 13 വർഷമായി നടത്തിവരുന്ന ഫുഡ് ആൻഡ് കൾച്ചറൽ ഫെസ്റ്റ്, "മനുഷ്യവർഗത്തോടുള്ള ദൈവസ്നേഹം" എന്ന അർത്ഥം വരുന്ന "അഗാപ്പെ" ഈ വർഷവും ഭംഗിയായി ആഘോഷിച്ചു.

വൻകൂറിന്റെ വിവിധ ഭാഗങ്ങളിൽ നിന്നായി നാനാജാതിമത വിശ്വാസികൾ ഈ ആഘോഷത്തിൽ ഇടവകയോടൊപ്പം പങ്കാളികളായിരുന്നു .  ഇടവക വികാരി റവ. എം. സി. കുര്യാക്കോസ് റമ്പാൻ അദ്ധ്യക്ഷത വഹിച്ച ചടങ്ങിൽ സറി-ഗ്രീൻ ടിമ്ബർസ് എംഎൽഎ രചന സിംഗ് ഉദ്ഘാടന കർമ്മം നിർവഹിച്ചു. സെന്റ് തോമസ് മാർത്തോമാ ചർച്ച് വികാരി റവ. ഫാ. ഗീവർഗീസ് മാത്യു സ്‌നേഹ സന്ദേശം നൽകി. റവ. ഫാ. ഒ. തോമസ്, ട്രസ്റ്റി ബേബിച്ചൻ മട്ടമ്മേൽ, സെക്രട്ടറി കുര്യൻ വർക്കി എന്നിവർ ചടങ്ങിൽ സന്നിഹിതരായിരുന്നു.

"അഗാപ്പെ 2023" ചാരിറ്റി ഫണ്ടിന്റെ ഭാഗമായ ലഭിച്ച  സംഭാവന കൺവീനർ ജാക്സൺ ജോയ്, വികാരി റവ. എം. സി. കുര്യാക്കോസ് റമ്പാൻ, ട്രസ്റ്റി ബേബിച്ചൻ മട്ടമ്മേൽ എന്നിവർ ചേർന്ന് സറി വിമൻസ് സെന്ററിന് കൈമാറി.ജാതി-മത വ്യത്യാസമില്ലാതെ വാൻകൂവറിലെ എല്ലാ ജനവിഭാഗങ്ങളും പങ്കെടുത്ത "അഗാപ്പെ" യുടെ വിജയത്തിൽ സഹകരിച്ച ഏവർക്കും കൺവീനർമാരായ അലക്സ് പി.ബേബി , ജാക്സൺ ജോയ് എന്നിവർ നന്ദി അറിയിച്ചു.
അഗാപ്പെയുടെ കൺവീനർ ജാക്സൺ ജോയിയാണ് വിവരങ്ങൾ നൽകിയത് .