ന്യൂ യോര്‍ക്ക് : ക്വീന്‍സ് സെന്റ് ഗ്രീഗോറിയോസ് ഓര്‍ത്തഡോക്‌സ്  ഇടവകയുടെ ആഭിമുഖ്യത്തില്‍  പരിശുദ്ധ പരുമലതിരുമേനിയുടെ ഓര്‍മ്മപെരുന്നാള്‍ വിപുലമായ ചടങ്ങുകളോടെ ആഘോഷിക്കുന്നു,

പരിശുദ്ധ പരുമലതിരുമേനിയുടെ 122 മത് ഓര്‍മ്മപെരുന്നാള്‍ നവംബര്‍ 1 , 2  (വെള്ളി ശനി ) ദിവസങ്ങളില്‍  അമേരിക്കയിലെ പരുമല എന്നറിയപ്പെടുന്ന  ക്വീന്‍സ്  സെന്റ് ഗ്രീഗോറിയോസ് ഓര്‍ത്തഡോക്ള്‍സ് ഇടവകയില്‍ നടത്തപ്പെടുന്നു.

ഡല്‍ഹി ഭദ്രാസന മെത്രാപ്പോലീത്താ അഭിവന്ദ്യ യൂഹാനോന്‍ മാര്‍ ദിമിത്രയോസ് തിരുമേനി പെരുന്നാള്‍ ശുശ്രുഷകള്‍ക്കു കാര്‍മികത്വം വഹിക്കുന്നതാണ് .നവംബര്‍ ഒന്ന് വെള്ളിയാഴ്ച വൈകിട്ട് ആറു മണിക്ക്  സന്ധ്യാ നമസ്‌കാരവും തുടര്‍ന്ന് അഭിവന്ദ്യ തിരുമേനിയുടെ ധ്യാനപ്രസംഗവും ഉണ്ടായിരിക്കും.

ശനിയാഴ്ച രാവിലെ എട്ടു മണിക്ക്  പ്രഭാതനമസ്‌കാരവും അഭിവന്ദ്യ തിരുമേനിയുടെ കാര്‍മികത്വത്തില്‍ വിശുദ്ധ കുര്‍ബാനയും തുടര്‍ന്ന് ഭക്തിനിര്‍ഭരമായ പെരുന്നാള്‍ റാസയും ശ്ലൈഹിക വാഴ്വും ഉണ്ടായിരിക്കുന്നതാണ്.

കൂടുതല്‍ വിവരങ്ങള്‍ക്ക് റവ:ഫാ:ജെറി വര്‍ഗീസ്  (വികാരി -516 503 1947) സജി കോശി (സെക്രട്ടറി) :631 514 5946) ജോസഫ് പാപ്പന്‍ (ട്രഷറര്‍) :917 853 7281) Address :987 Elmont Rd North Valley stream ,NY 11580