യുഎസ് കോമേഴ്‌സ് സെക്രട്ടറിയായി ഹൊവാർഡ് ലുറ്നികിനെ (63) നിയുക്ത പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചു. ട്രാന്സിഷൻ കോ - ചെയറാണ് ലുറ്നിക്ക്. വിദേശവ്യാപാര നയത്തിലും കാന്റർ ഫിറ്സ്‌ജെറാൾഡ് സി ഇ ഒ ആയ ലുറ്നികിനു പ്രമുഖ പങ്കുണ്ടാവുമെന്നും ട്രംപ് പറഞ്ഞു.

ട്രഷറി സെക്രട്ടറി സ്ഥാനത്തേക്ക് അദ്ദേഹത്തെ ട്രംപ് പരിഗണിച്ചിരുന്നു. എന്നാൽ അതിനുള്ള പിടിവലി ശക്തമായപ്പോൾ  ലുറ്നിക് ഔട്ടായി.

കോമേഴ്‌സ് പക്ഷേ വിപുലമായ ചുമതലകളുളള വകുപ്പാണ്. സെൻസസ് ബ്യുറോ, നാഷനൽ വെതർ സർവീസ്, പേറ്റന്റ് ആൻഡ് ട്രേഡ് മാർക്ക് ഓഫിസ്, എൻ ഓ എ എ തുടങ്ങിയവയൊക്കെ ഈ വകുപ്പിനു കീഴിലാണ്.

ട്രാൻസ്‌പോർട്ടേഷൻ ഡഫിക്ക്

ട്രാൻസ്‌പോർട്ടേഷൻ സെക്രട്ടറിയായി വിസ്കോൺസിനിൽ നിന്നുള്ള മുൻ കോൺഗ്രസ് അംഗം ഷോൺ ഡഫിയെ ട്രംപ് നിയമിച്ചു. ഫോക്സ് ന്യൂസിൽ പരിചിതനായ ഡഫി മുൻ ടെലിവിഷൻ അവതാരകനുമാണ്. 2011 മുതൽ 2019 വരെ യുഎസ് ഹൗസ് അംഗമായിരുന്നു.

ഫോക്‌സ് ന്യൂസിൽ നിന്നു പീറ്റ് ഹേഗ്സേത്തിനെ നേരത്തെ ട്രംപ് ഡിഫൻസ് സെക്രട്ടറിയായി നിയമിച്ചിരുന്നു.

Trump names Commerce, Transportation secretaries