അടുത്ത ഇരുപതോ മുപ്പതോ വർഷങ്ങൾക്കുള്ളിൽ ആഗോള ജനസംഖ്യയിൽ മുസ്ലീങ്ങളുടെ ശതമാനം ഗണ്യമായി വർധിക്കുമെന്ന പ്രവചനങ്ങൾക്ക് പിന്നിലുള്ള യാഥാർത്ഥ്യം നിലനിൽക്കുമ്പോൾ തന്നെ, മുസ്‌ലിംകളുടെ എണ്ണത്തിലുള്ള വർദ്ധനവ് ആഗോള അർത്ഥത്തിൽ ഇസ്‌ലാം "ആധിപത്യം" ആകുമെന്ന് അർത്ഥമാക്കുന്നില്ല എന്നതാണ് വാസ്തവം.

ഹിന്ദുക്കൾ, ജൂതന്മാർ, ക്രിസ്ത്യാനികൾ തുടങ്ങിയ മറ്റ് മത വിഭാഗങ്ങളുമായി താരതമ്യം ചെയ്യുമ്പോൾ, മുസ്ലിങ്ങളുടെ വളർച്ചാ നിരക്ക് ഉയർന്നത് എന്തുകൊണ്ടാണെന്ന് നോക്കിയാൽ നിരവധി പ്രധാന കാരണങ്ങൾ കാണാം!

1.    മുസ്ലീം ഭൂരിപക്ഷ രാജ്യങ്ങളിലെ ഉയർന്ന പ്രത്യുൽപാദന നിരക്ക്:
മുസ്ലീം ഭൂരിപക്ഷ രാജ്യങ്ങളിൽ, പ്രത്യേകിച്ച് ആഫ്രിക്ക, മിഡിൽ ഈസ്റ്റ്, ദക്ഷിണേഷ്യ തുടങ്ങിയ പ്രദേശങ്ങളിൽ, പല പാശ്ചാത്യ രാജ്യങ്ങളുമായി താരതമ്യം ചെയ്യുമ്പോൾ ഉയർന്ന പ്രത്യുൽപാദന നിരക്ക് ഉണ്ട്. ഇതിനർത്ഥം ഈ പ്രദേശങ്ങളിലെ കുടുംബങ്ങൾക്ക് പൊതുവെ കൂടുതൽ കുട്ടികളുണ്ട്, ഇത് അതിവേഗ ജനസംഖ്യാ വളർച്ചയിലേക്ക് നയിക്കുന്നു.

ഉദാഹരണത്തിന്, സൊമാലിയ, അഫ്ഗാനിസ്ഥാൻ തുടങ്ങിയ രാജ്യങ്ങളിലെ സ്ത്രീകൾക്ക്, യൂറോപ്പിലോ വടക്കേ അമേരിക്കയിലോ ഉള്ള സ്ത്രീകളേക്കാൾ ശരാശരി കുട്ടികളുണ്ട്. നൈജീരിയ, ഇന്തോനേഷ്യ, പാകിസ്ഥാൻ തുടങ്ങിയ രാജ്യങ്ങളിലും ഉയർന്ന ജനനനിരക്ക് ഉണ്ട്, അതും അവരുടെ ജനസംഖ്യയിൽ ദ്രുതഗതിയിലുള്ള വർദ്ധനവിന് കാരണമാകുന്നു.

2.    പ്രായപൂർത്തിയാകാത്ത വിവാഹ സമ്പ്രദായം:
മിക്ക പാശ്ചാത്യ രാജ്യങ്ങളും വിവാഹത്തിനുള്ള നിയമപരമായ ഏറ്റവും കുറഞ്ഞ പ്രായം 18 വയസ്സായി നിശ്ചയിച്ചിരിക്കുന്നു.

ഒരു പെൺകുട്ടി പ്രായപൂർത്തിയാകുമ്പോഴോ; കുട്ടികളെ പ്രസവിക്കാൻ അവളുടെ ശരീരം തയാറാകുമ്പോഴോ; ലൈംഗിക പക്വത പ്രാപിച്ചിരിക്കുമ്പോഴോ; ചില യാഥാസ്ഥിതിക മുസ്ളീം രാജ്യങ്ങളിൽ, ചെറുപ്പത്തിൽ വിവാഹം അനുവദനീയമാണ്! കാരണം ദാരിദ്ര്യമാകാം, നിർധനരായ മാതാപിതാക്കളുടെ ചുമലിലെ സാമ്പത്തിക ഭാരം കുറയ്ക്കുന്നതിനാകാം, ആണൊരുത്തന് കല്യാണം കഴിച്ചു നൽകി പെൺകുട്ടിയുടെ ഭാവി സുരക്ഷിതമാക്കി എന്ന് ഉറപ്പാക്കാനുള്ള ഒരു മാർഗമായിരിക്കാം.

സ്ത്രീകൾ ചെറുപ്പത്തിൽ വിവാഹം കഴിക്കുകയും നേരത്തെ കുട്ടികളുണ്ടാകുകയും ചെയ്യുന്നതും; ഗർഭനിരോധന മാർഗ്ഗങ്ങൾ, കുടുംബാസൂത്രണം എന്നിവയിലുള്ള സ്ത്രീകളുടെ പരിമിതമായ അറിവും; ഉയർന്ന ജനനനിരക്കിലേക്ക് നയിക്കുന്നു!

3.    ക്രിസ്ത്യൻ കമ്മ്യൂണിറ്റികളിൽ ഫെമിനിസത്തിൻറെ സ്വാധീനം:
ക്രിസ്‌തീയ സ്‌ത്രീകൾ, അല്ലെങ്കിൽ പൊതുവെ സ്‌ത്രീകൾ, വിവാഹിതരാകാൻ മടിക്കുന്നു! കഴിഞ്ഞ ഏതാനും വർഷങ്ങളായി, വിവാഹത്തോടുള്ള സാമൂഹിക മനോഭാവം ഗണ്യമായി മാറിയിട്ടുണ്ട്. വ്യക്തിപരമായ പൂർത്തീകരണത്തിനോ സാമൂഹിക അംഗീകാരത്തിനോ ഉള്ള ഏക പാതയായി വിവാഹത്തെ സ്ത്രീകൾ ഇന്ന് നോക്കി കാണുന്നില്ല.

പരമ്പരാഗത വിവാഹ പ്രതീക്ഷകൾക്കും അപ്പുറം, അവരുടെ ജീവിതത്തെക്കുറിച്ച് തീരുമാനമെടുക്കാനുള്ള സ്വാതന്ത്ര്യമുള്ള പല സ്ത്രീകളും വ്യക്തിഗത വളർച്ച, വിദ്യാഭ്യാസം, യാത്രകൾ എന്നിവയ്ക്ക് മുൻഗണന നൽകുന്നു, അവരുടെ കരിയർ കെട്ടിപ്പടുക്കുന്നതിൽ കൂടുതൽ ശ്രദ്ധ കേന്ദ്രീകരിക്കുന്നു!  

വ്യക്തിപരമായ ലക്ഷ്യങ്ങളെയോ സ്വാതന്ത്ര്യത്തെയോ വിവാഹം തടസ്സപ്പെടുത്തുമെന്ന് സ്ത്രീകൾക്ക് തോന്നിയാൽ, അവർ വിവാഹബന്ധത്തിൽ ഏർപ്പെടാനും അടുത്ത ഒരു തലമുറയെ ഉണ്ടാക്കിയെടുക്കാനും മടി കാണിക്കുന്നു. അവർ വിവാഹം കഴിക്കാത്തതിനും പല കാരണങ്ങൾ ഉണ്ടാകാം:-

a. തൻറെ മൂല്യങ്ങളുമായി പൊരുത്തപ്പെടുന്ന ഒരാളെ ഇതുവരെ കണ്ടെത്തിയിട്ടില്ലെന്ന തോന്നൽ!
b. സ്വന്തം കുടുംബത്തിലോ സമൂഹത്തിലോ വിവാഹബന്ധം തകരുന്നത് കണ്ടിട്ടുണ്ടെങ്കിൽ, വൈകാരിക വേദന, സാമ്പത്തിക നഷ്ടം അല്ലെങ്കിൽ കുട്ടികളിൽ ഉണ്ടാകുന്ന ആഘാതം എന്നിവയെക്കുറിച്ചുള്ള ആശങ്ക!!
c. ദാമ്പത്യം പരാജയപ്പെടാനുള്ള സാധ്യത!!!

ജീവിതത്തിൻറെ എല്ലാ മേഖലകളിലും പുരുഷന്മാരും സ്ത്രീകളും തുല്യരാണെന്ന സമത്വവാദം, സ്ത്രീ ശരീരത്തിന്മേൽ സ്ത്രീകളുടെ അവകാശങ്ങൾക്കായി വാദിക്കുന്ന ഫെമിനിസ്റ്റ് ആശയങ്ങൾ ക്രിസ്ത്യൻ സഭയിൽ വേരൂന്നാൻ കാരണമായി! അതേ സമയം പരമ്പരാഗത കുടുംബ ഘടനകളെ ദുർബലപ്പെടുത്താൻ ഫെമിനിസ്റ്റ് ആദർശങ്ങൾക്ക് കഴിയുമെന്നും, അമ്മയും ഗൃഹനാഥയും എന്ന നിലയിലുള്ള പരമ്പരാഗത വേഷങ്ങൾ നിറവേറ്റുന്നതിൽ നിന്ന് സ്ത്രീകളെ നിരുത്സാഹപ്പെടുത്തുമെന്നും, നെഗറ്റീവ് സ്വാധീനം ചെലുത്തുമെന്നും മുസ്ലീം മതം വിശ്വസിച്ചു.

ഒരു കമ്മ്യൂണിറ്റിയിലെ ജനസംഖ്യാ വർദ്ധനയെക്കുറിച്ചുള്ള ഭയത്തിൽ ശ്രദ്ധ കേന്ദ്രീകരിക്കുന്നതിൽ കഥയൊന്നുമില്ല. സമീപഭാവിയിൽ മുസ്‌ലിംകൾ ഭൂരിഭാഗം ആഗോള ജനസംഖ്യയായി മാറുമെന്ന തോന്നൽ ചില ജനസംഖ്യാപരമായ പ്രവണതകളെ മാത്രം അടിസ്ഥാനമാക്കിയുള്ളതാണ്, അത് ഒരു വെറും പ്രവചനമാകാം അല്ലെങ്കിൽ പൊള്ളയായ അവകാശവാദമാകാം.

ഏതെങ്കിലും ഒരു മതത്തിൻറെ വളർച്ചയെക്കുറിച്ചുള്ള അനാവശ്യ ഭയം, ചിലപ്പോൾ വസ്തുതകളെ വളച്ചൊടിക്കുന്ന തീവ്രവാദ പ്രത്യയശാസ്ത്രങ്ങളോ; വിഭജനം സൃഷ്ടിക്കാനായി തെറ്റിദ്ധരിപ്പിക്കുന്ന രാഷ്ട്രീയ വിവരണങ്ങളേയോ അടിസ്ഥാനമാക്കിയാണ്. മതം മാത്രം അടിസ്ഥാനമാക്കിയുള്ള ഏതെങ്കിലും ജനസംഖ്യാ വളർച്ചയെക്കുറിച്ച് ഭയപ്പെടുന്നതിന് അന്തർലീനമായ കാരണങ്ങളൊന്നുമില്ല!!