(This poem is based on the Gospel of St. Matthew, chapter 6: verses 25 to 34)

നാളെയെക്കുറിച്ചെന്തേ  ദുഖിച്ചിടുന്നു നീ
നാളെയെന്നൊരാദിനം ആരു കണ്ടു? 
ഇന്നു നിനക്ക് ചെയ്യാനുള്ളതത്രയും 
ഇന്നുതന്നെ ചെയ്ക സന്മനസോടെ!

എന്തു ഭക്ഷിച്ചിടും, എന്തു നാം ഉടുക്കും
എന്നോര്‍ത്ത് വ്യാകുലപ്പെട്ടിടാതെ 
യേശുനാഥന്‍ പഠിപ്പിച്ച വാക്യങ്ങളിന്‍ 
ശ്രേഷ്ടമതാകും പൊരുള്‍ ഗ്രഹിപ്പിന്‍:

വിണ്ണിലെ പറവകളെ നോക്കീടുവിന്‍
വിതയ്ക്കുന്നില്ല, അവ കൊയ്യുന്നില്ല,
കൂട്ടിവയ്ക്കുന്നില്ല യാതൊന്നുമെങ്കിലും 
കര്‍ത്തനവയെ പുലര്‍ത്തുന്നില്ലേ !

വയലിലെ താമരയെ കാണുവിന്‍ 
അധ്വാനിക്കുന്നില്ല, അവ നൂല്ക്കുന്നില്ല 
എങ്കിലും സോളമന്‍ പോലും ഇതിനോളം 
ഭംഗിയില്‍ ഒന്നും അണിഞ്ഞിരുന്നില്ല ! 
    
എത്ര നിസാരമീ പുല്ലിനെ ദൈവം 
ഇത്ര നന്നായ് കരുതുന്നുവെങ്കില്‍ 
അല്പവിശ്വാസികളെങ്കിലും മര്‍ത്ത്യരെ 
അന്പോടെ എന്നും പുലര്‍ത്തുകില്ലേ !!

                            ************