ഒരു ചെറു പത്രവാർത്തയിൽ നിന്നാണ് ജി. വിവേകാനന്ദൻ തന്റെ ഏറ്റവും പ്രസിദ്ധമായ നോവൽ 'കള്ളിച്ചെല്ലമ്മ' എഴുതാനുള്ള 'ത്രഡ്' വലിച്ചു ഉയർത്തുന്നത്: കുടികിടപ്പുകാരിയായ ഒരു സ്ത്രീയെ തേങ്ങാ മോഷ്ട്ടിച്ചതിനു, ജന്മിയുടെ പരാതി പ്രകാരം, പോലീസ് പിടിച്ചു തേങ്ങാ കുല ചുമപ്പിച്ചു സ്റ്റേഷൻ വരെ നടത്തി എന്നാണ് വാർത്ത. വാർത്തയുടെ വരികൾക്കിടയിൽ ഒളിഞ്ഞു കിടക്കുന്ന ദൈന്യമായ ഒരു 'ജീവിത' കഥയുണ്ട് എന്ന് വിവേകാനന്ദൻ തിരിച്ചറിഞ്ഞു... ശേഷമുള്ള നോവൽ - കഥാപരിണാമം വിവേകാനന്ദൻ്റെ 'കല്പനാവൈഭവം'.

വിവേകാനന്ദൻ 'കള്ളിച്ചെല്ലമ്മ'യുടെ കഥ പറഞ്ഞിട്ട് ആറര പതിറ്റാണ്ടായി (65 വർഷം). 1956-ൽ ആണ് 'കൗമുദി' വാരികയിലൂടെ ‘കള്ളിച്ചെല്ലമ്മ’ പ്രസിദ്ധീകരിച്ചു തുടങ്ങിയത്. വെള്ളായണിയിലെയും വെങ്ങാനൂരിലെയും പരിസരഗ്രാമങ്ങളിലെയും ജീവിതമാണ് ജി. വിവേകാന്ദൻ പറഞ്ഞത്. ഇവിടങ്ങളിലെ ഗ്രാമ്യഭാഷയും ഉത്സവങ്ങളും നാട്ടുഭംഗിയുമൊക്കെ ആവിഷ്‌കരിച്ചു. വെള്ളായണിക്കായലിന്റെ തീരത്തെ സാധാരണക്കാരുടെ കഥയാണ് ‘കള്ളിച്ചെല്ലമ്മ’യിലൂടെയും പറഞ്ഞത്. ചെല്ലമ്മ എന്ന യുവതിയുടെ ജീവിതപരാജയത്തിന്റെ കഥ കൂടിയായിരുന്നു അത്. മണക്കാട്ടു ചന്തയിലും പാളയം ചന്തയിലുമൊക്കെ കിലോമീറ്ററുകൾതാണ്ടി കാർഷികവിളകൾ വിൽക്കാനെത്തുന്ന സ്ത്രീകളുടെ കഥ കൂടിയായിരുന്നു അത്.

പി. ഭാസ്‌കരൻ അഭ്രപാളിയിലെത്തിച്ച 'കള്ളിച്ചെല്ലമ്മ'യ്ക്ക് ഈ വർഷം അൻപത്തിരണ്ടു തികയുകയാണ്. പക്ഷേ, അരനൂറ്റാണ്ടിലേറെയായി 'കള്ളിച്ചെല്ലമ്മ' മലയാള സാഹിത്യത്തിലെയും സിനിമയിലെയും 'കരുത്തുറ്റ' സ്ത്രീ കഥാപാത്രമാണ്; ദുരന്തം സ്വയം വാരിയണിഞ്ഞ ദുഃഖപുത്രി കൂടിയാണ്.

കഴിഞ്ഞ നൂറ്റാണ്ടിലെ കേരളീയ ജീവിതത്തില്‍നിന്ന്‌ അടര്‍ത്തിയെടുത്ത കഥാപാത്രങ്ങള്‍; അവരുടെ മോഹങ്ങളും മോഹഭംഗങ്ങളും ഒരു കാല്‌പനികതയുടെ ഭംഗിയോടെ ജി.വിവേകാനന്ദന്‍ ചിത്രീകരിക്കുമ്പോള്‍ ഹൃദ്യമായ ഒരനുഭവമായി മാറുന്നു.... കഥാകൃത്തും നാടകകൃത്തും നോവലിസ്റ്റുമാണ്‌ വിവേകാനന്ദൻ; എങ്കിലും നോവൽരംഗത്തു കൂടുതൽ പ്രശസ്തിനേടി...

തിരുവനന്തപുരം കോളിയൂർ എന്ന സ്ഥലത്തു് 1923 മെയ് 5-ന് ജനിച്ചു. (വെള്ളായണിക്കും വെണ്ണിയൂരിനും കോവളത്തിനും സമീപമുള്ള ഒരു ഗ്രാമമാണ് കോളിയൂർ.) അച്ഛൻ  ഗോവിന്ദന്‍; അമ്മ കെ. ലക്ഷ്മി.

പ്രാഥമിക വിദ്യാഭ്യാസം പൂങ്കുളം സ്‌കുളിലായിരുന്നു. അതിനു ശേഷം വെങ്ങാനൂര്‍ ഇംഗ്ലീഷ് മിഡില്‍ സ്‌കൂളില്‍ പഠിച്ചു. നെയ്യാറ്റിന്‍കരയിലെ നെല്ലിമൂട് ഹൈസ്കൂള്‍ ആയിരുന്നു പഠിച്ച മറ്റൊരു വിദ്യാലയം. സ്കൂള്‍ വിദ്യാഭ്യാസശേഷം പല തൊഴിലുകളില്‍ ഏര്‍പ്പെട്ടു. കൂലിപ്പണി ചെയ്തു. കല്‍പ്പണിക്കാരുടെ സഹായിയായി ജോലിയെടുത്തു. ബീഡിതെറുപ്പുകാരനായി.

ഇതിനിടയില്‍ കമ്പൗണ്ടർ പരീക്ഷ ജയിച്ചു. (കമ്പൗണ്ടർ എന്നാൽ ഇപ്പോഴത്തെ ഫാർമസിസ്റ്റ്; പലപ്പോഴു അതുക്കും മേലേയും) തുടര്‍ന്നു പട്ടാളത്തില്‍ ചേര്‍ന്നു. രണ്ടാം ലോകമഹായുദ്ധ കാലത്ത്‌ അതിര്‍ത്തി പ്രദേശങ്ങളില്‍ സേവനം അനുഷ്ഠിച്ചു. സൈനൃത്തില്‍ നിന്നു പിരിഞ്ഞു വന്നശേഷം, തിരുവനന്തപുരത്ത്‌ സര്‍ക്കാര്‍ ആശുപ്രതിയില്‍ കമ്പാണ്ടറായി. 

പ്രൈവറ്റായി പഠിച്ച്‌ ഇന്റര്‍മീഡിയറ്റും, ബി.എ.യും പാസായി. തുടര്‍ന്ന്‌ എം.എ.-യ്ക്ക്‌ പഠനം ആരംഭിച്ചു എങ്കിലും അതു പൂര്‍ത്തിയാക്കുന്നതിനു മുന്‍പ്‌ ആകാശവാണിയില്‍ ഉദ്യോഗസ്ഥനായി. എന്നാണ് കേട്ടിട്ടുള്ളത്; അതോ, എം.എ. ജയിച്ചശേഷമോ? ഏതായാലും, ആകാശവാണിയിൽ അനൌൺസറായി ഉദ്യോഗത്തിൽ പ്രവേശിച്ചു. പിന്നീട്, ന്യൂസ് റീഡർ ആയി. കേരളത്തിന്‌ വെളിയില്‍ പോയി ജോലി നോക്കേണ്ടി വരും എന്ന സ്ഥിതി സംജാതമായപ്പോള്‍ ആകാശവാണി വിട്ടു.

അതിനുശേഷം സംസ്ഥാന പബ്ലിക്ക് റിലേഷൻസ് വകുപ്പിൽ സാംസ്കാരിക വികസന ആഫീസറും (കൾച്ചറൽ ഡെവലപ്മെന്റ് ഓഫീസറും) പിന്നാലെ ഡയറക്ടറുമായി. എന്നാല്‍ ഒരിക്കല്‍ ക്കൂടി ആകാശവാണിയിലെത്തി. റേഡിയോ റൂറല്‍ ഫോറത്തിന്റെ ചീഫ്‌ ഓര്‍ഗനൈസര്‍ ആയിട്ടാണ്‌ അത്തവണ നിയമിതനായത്‌. പിന്നീട ആകാശവാണിയില്‍ കുടുംബാസൂത്രണ പരിപാടികളുടെ പബ്ലിസിറ്റി ഓഫീസര്‍ ആയി. പിന്നീട് കേരള സ്റ്റേറ്റ് ഫിലിം ഡെവെലപ്മെന്റ് കോർപ്പറേഷൻ മാനേജിംഗ് ഡയറക്ടറായി സർക്കാർ സേവനത്തിൽ നിന്നും വിരമിച്ചു. അദ്ദേഹം ഡയറക്ടറായിരിക്കുമ്പൊഴാണ് ചിത്രാഞ്ജലി സ്റ്റുഡിയോ സ്ഥാപിച്ചത്. വിരമിച്ചശേഷം 'കേരള കൗമുദി'യിൽ അസിസ്റ്റന്റ് എഡിറ്ററായി ജോലിചെയ്തു.

സമൂഹത്തിന്റെ പിന്നാമ്പുറങ്ങളിൽ കഴിയുന്നവരുടെ ജീവിതചിത്രം വരച്ചുകാട്ടുന്നവയായിരുന്നു ജി.വിവേകാനന്ദന്റെ നോവലുകൾ. പ്രമുഖമായ നോവലുകൾ: ഇരുപതു നോവലുകളും 15 കഥാസമാഹാരങ്ങളും ആറ് നാടകങ്ങളും പ്രസിദ്ധീകരിച്ചിട്ടുണ്ട്. 'കള്ളിച്ചെല്ലമ്മ', 'പൊട്ടൻ നീലാണ്ടൻ', 'കള്ള്', 'വാർഡ് നമ്പർ ഏഴ്', 'യക്ഷിപ്പറമ്പ്', 'ശ്രുതിഭംഗം', 'പോക്കുവെയിൽ' എന്നിവയാണ് പ്രധാന നോവലുകൾ. 'ശ്രുതിഭംഗ'ത്തിന് 1986-ൽ കേരള സാഹിത്യ അക്കാദമി പുരസ്‌കാരം ലഭിച്ചു. 'അമ്മ', 'ചിതറിയ ചില്ലുകൾ', 'അന്ത്യോപഹാരം' എന്നിവയാണ് പ്രധാന നാടകങ്ങൾ.

മുൻ സൂചനപോലെ 'കള്ളിച്ചെല്ലമ്മ' (1956) ആണ് അദ്ദേത്തിന്റെ ഏറ്റവും പ്രസിദ്ധമായ കൃതി. 1958-ല്‍ എഴുതിയ 'പൊട്ടന്‍ നീലാണ്ടന്‍' എന്ന നോവലും ഇതേ സാമുഹിക പശ്ചാത്തലത്തിന്റെ ആവര്‍ത്തനം ആണ്‌. 'കള്ള്‌' എന്ന പേരില്‍

സാമാന്യം വലിയ ഒരു നോവല്‍ വിവേകാനന്ദന്‍ 1965-ല്‍ എഴുതി. വേങ്ങാനൂര്‍ പ്രദേശത്തിന്റെ ജീവിതവും ഭാഷയുമാണ്‌ ഇതിലും. സാധാരണ മനുഷ്യരുടെ സാധാരണ ജീവിതം, അവരുടെ ഭാഷയില്‍ ആവിഷ്ക്കരിക്കുന്നതില്‍ വിവേകാനന്ദന്‍ ഏറെ വിജയിച്ചിട്ടുണ്ട്. നേരിട്ടു തനിക്കു ചിരപരിചിതമായ ആശുപ്രതി ജീവീതമാണ്‌ 'വാര്‍ഡ്‌ നമ്പര്‍ ഏഴ്‌'. തിരഞ്ഞെടുത്ത മുപ്പതില്‍പ്പരം

കഥകളാണ്‌ 'വിവേകാനന്ദന്റെ തിരഞ്ഞെടുത്ത കഥകള്‍' (1869).

മലയാളത്തിലെ ആദ്യത്തെ ഓർവോ കളർചിത്രമായ 'കള്ളിച്ചെല്ലമ്മ' (1969)യ്ക്കു (കഥയും) സംഭാഷണവും രചിച്ചതു് വിവേകാനന്ദനാണു്. 'റ്റാക്സി ഡ്രൈവര്‍ (1977); വാര്‍ഡ് നമ്പര്‍ 7' (1979) എന്നീ നോവലുകൾ കൂടി അദ്ദേഹം തന്നെ തിരക്കഥയും സംഭാഷണവും എഴുതി സിനിമയക്കിയിട്ടുണ്ട്. 'ചിതറിയ ചില്ലുകൾ' എന്ന രചനയാണ് 'ശാസ്ത്രം ജയിച്ചു മനുഷ്യൻ തോറ്റു' എന്ന സിനിമയായി ടി ഇ വാസുദേവൻ  (സംവിധാനം: എബി രാജ്) മാറ്റിയത് - കഥ മാത്രമാണ് ഇദ്ദേഹത്തിന്റേത് - തിരക്കഥ സംഭാഷണം എസ്.എൽ. പുരമാണ്.

1959-ല്‍ വിവേകാനന്ദന്‍ പി. ലളിതയെ വിവാഹം ചെയ്തു. മകൻ ജി. വി. ശ്രീകുമാർ ബോബെ IITയിലെ സ്ക്കൂൾ ഒരു ഡിസൈൻ പ്രൊഫസറാണ്. മറ്റൊരു പുത്രൻ പരേതനായ ഡോ. ഹരി; ഇദ്ദേഹം ഒരു നടൻ കൂടിയായിരുന്നു.

1999 ജനുവരി 23-ന്, 73-ാം വയസ്സിൽ, അന്തരിച്ചു. 

26-ാം ഓർമ്മ ദിനത്തിൽ ജി. വിവേകാനന്ദന് സ്മരണാഞ്ജലികൾ!