ഒരു പരമാണുവായലയുമ്പോൾ 

സ്വപ്‌നങ്ങൾ -

ക്കൊരു ചേലുമില്ലായിരുന്നു ;

ഒരു നിമിഷത്തിന്റെ പാതിയിൽ 

പ്രേമത്താ-

ലൊരുമിച്ചു ചേരും വരേയ്ക്കും !

അവിടെയന്നാദ്യമായ് 

ഹൃദയ വികാരങ്ങ - 

ളനുഭൂതി വാരിപ്പുണർന്നു ! 

ഒരുമിച്ച ജീവൽ-

ത്തുടിപ്പുകൾ  കാലത്തിൻ

തിരമാല നീന്തിക്കടന്നു !

ഒടുവിൽ ഒരത്ഭുത 

പരിണാമ പടുതിയിൽ 

ഒരു ജീവ കോശം മുളച്ചു 

അഭിലാഷമൊരു. പിടി 

പൂക്കളായ്  മനസ്സെന്ന 

വനികയിൽ വന്നു നിറഞ്ഞു 

പ്രണയമായ് ഇണകളിൽ 

നിറയുന്ന രതികളിൽ 

തലമുറ കോപ്പികൾ വീണ്ടും !

വരികയാ‌ണെവിടെയൂം 

പരിണാമ പരിണയ 

 നിരകളാം ഋതു ഭേദങ്ങൾ 

മനുഷ്യാഭിലാഷങ്ങൾ 

ഇതളിട്ടു വിരിയുന്ന 

യുഗ സംക്രമപ്പൂക്കളാകാൻ ! 

അതിരുകൾക്കപ്പുറ - 

ത്താകാശകുടയുടെ 

യടിയിലെ യശനി പാതങ്ങൾ

അപരനെ കരുതുന്ന 

മനുഷ്യ മേധത്തിന്റെ 

കുതിരക്കുളമ്പടി യാകും !!