വിവാദ പ്രഖ്യാപനവുമായി ഇലോൺ മസ്ക് . അദ്ദേഹത്തിന്റെ ഡിപ്പാർട്ട്‌മെൻ്റ് ഓഫ് ഗവൺമെൻ്റ് എഫിഷ്യൻസി ടീം,ഫെമ ന്യൂയോർക്ക് നഗരത്തിലെ ആഢംബര ഹോട്ടലുകളിൽ അനധികൃത കുടിയേറ്റക്കാരെ താമസിപ്പിക്കാൻ 59 മില്യൺ ഡോളർ നിയമവിരുദ്ധമായി ചെലവഴിച്ചതായി കണ്ടെത്തിയെന്നും ഇത് വലിയ വിവാദത്തിന് തിരികൊളുത്തിയിരിക്കുകയാണെന്നും അറിയിച്ചു. ഇന്ന് രാവിലെയാണ് അദ്ദേഹം ഈ  വെളിപ്പെടുത്തൽ നടത്തിയത്.

റൂസ്‌വെൽറ്റ് ഹോട്ടൽ പാകിസ്ഥാന്റെ ഉടമസ്ഥതയിലുള്ളതാണോ എന്ന ചോദ്യങ്ങളുമായി എക്സ് ഉപയോക്താക്കൾ രംഗത്ത്:
ട്രംപ് പ്രസിഡൻ്റായിരുന്ന സമയത്ത് ഒപ്പിട്ട ഒരു എക്സിക്യൂട്ടീവ് ഓർഡറിനെ ഫെമ ലംഘിച്ചു എന്നാണ് മസ്കിന്റെ പോസ്റ്റ് വ്യക്തമാക്കുന്നത്. ദുരന്ത നിവാരണ  പ്രവർത്തനങ്ങൾക്ക് ഉപയോഗിക്കേണ്ട ഫെമ ഫണ്ട്, ന്യൂയോർക്ക് നഗരത്തിലെ ഉയർന്ന നിലവാരമുള്ള ഹോട്ടലുകളിൽ അനധികൃത കുടിയേറ്റക്കാരെ പാർപ്പിക്കാൻ ഉപയോഗിച്ചു. ആ പണം തിരികെ പിടിക്കുമെന്നും അദ്ദേഹം അറിയിച്ചു. എന്നാൽ, റൂസ്‌വെൽറ്റ് ഹോട്ടൽ പാകിസ്ഥാൻ ഇന്റർനാഷണൽ എയർലൈൻസിന്റെ ഉടമസ്ഥതയിലുള്ളതാണെന്ന് സോഷ്യൽ മീഡിയയിൽ പലരും ചൂണ്ടിക്കാണിച്ചതോടെ കാര്യങ്ങൾ കൂടുതൽ സങ്കീർണമായി.

ന്യൂയോർക്ക് നഗരത്തിലെ ഒരു പ്രധാന ലാൻഡ്‌മാർക്കാണ് റൂസ്‌വെൽറ്റ് ഹോട്ടൽ. 1924-ൽ തുറന്ന ഈ ഹോട്ടൽ നഗരത്തിന്റെ വാസ്തുവിദ്യാ പ്രാവീണ്യത്തിന്റെ  പ്രതീകമായി മാറി. മിഡ്‌ടൗൺ മാൻഹട്ടനിലെ 45 ഈസ്റ്റ് 45-ാം തെരുവിൽ സ്ഥിതി ചെയ്യുന്ന 19 നിലകളുള്ള ഈ കെട്ടിടം ജോർജ്ജ് ബി. പോസ്റ്റ് & സൺ ആണ് ഇറ്റാലിയൻ നവോത്ഥാന ശൈലിയിൽ രൂപകൽപ്പന ചെയ്തത്.   2000-ൽ, പാകിസ്ഥാന്റെ ദേശീയ വിമാനക്കമ്പനിയായ പിഐഎ  ഇത് പൂർണമായി ഏറ്റെടുക്കുകയായിരുന്നു.

2023-ൽ, കുടിയേറ്റക്കാരെ പാർപ്പിക്കാൻ റൂസ്‌വെൽറ്റ് ഹോട്ടൽ ന്യൂയോർക്ക് സിറ്റി ഗവൺമെന്റിന് പാട്ടത്തിന് നൽകാൻ പിഐഎ ഒരു കരാർ ഉണ്ടാക്കി. അടിയന്തര പാർപ്പിട ആവശ്യകത പരിഹരിക്കുന്നതിനായി സിറ്റി അധികൃതർ റൂസ്‌വെൽറ്റ് ഉൾപ്പെടെ 100-ലധികം ഹോട്ടലുകൾ പാട്ടത്തിന് എടുത്തിട്ടുണ്ട്.

ആയിരക്കണക്കിന് കുടിയേറ്റക്കാരെ പാർപ്പിക്കേണ്ടതിൻ്റെ ആവശ്യകതയുണ്ടെങ്കിലും, ഒരു വിദേശസർക്കാരിന്റെ ഉടമസ്ഥതയിലാണ് റൂസ്‌വെൽറ്റ് ഹോട്ടൽ എന്ന വസ്തുത വലിയ വിമർശനങ്ങൾക്ക് കാരണമായി. മുൻ പ്രസിഡൻ്റ് സ്ഥാനാർത്ഥി വിവേക് രാമസ്വാമി ഉൾപ്പെടെയുള്ള സോഷ്യൽ മീഡിയ ഉപയോക്താക്കൾ ആശങ്കകൾ ഉന്നയിച്ചിട്ടുണ്ട്. "അനധികൃത കുടിയേറ്റക്കാർക്കുള്ള നികുതിപ്പണം ഉപയോഗിച്ച് പ്രവർത്തിക്കുന്ന ഒരു ഹോട്ടൽ പാകിസ്ഥാൻ സർക്കാരിന്റെ ഉടമസ്ഥതയിലാണ്, അതായത്  എൻവൈസി നികുതിദായകർ  നമ്മുടെ രാജ്യത്ത് അനധികൃതമായി താമസിക്കുന്നവരെ പാർപ്പിക്കാൻ ഒരു വിദേശ സർക്കാരിന് പണം നൽകുകയാണ്," രാമസ്വാമി എക്സിൽ -ൽ കുറിച്ചു.

ഫെമ  ഫണ്ട് - ചെലവഴിക്കുന്നതിനെക്കുറിച്ചും കുടിയേറ്റക്കാരെ പാർപ്പിക്കുന്നതിൽ വിദേശ ഉടമസ്ഥതയിലുള്ള ഹോട്ടലുകളുടെ പങ്കാളിത്തത്തെക്കുറിച്ചുമുള്ള ചർച്ചകൾ ശക്തമാകുമ്പോൾ, ഫെമ  ഫണ്ട് ദുരുപയോഗം ചെയ്തതിനെക്കുറിച്ചുള്ള മസ്കിന്റെ വെളിപ്പെടുത്തൽ റൂസ്‌വെൽറ്റ് ഹോട്ടൽ ഇടപാടിന് കൂടുതൽ ശ്രദ്ധ നൽകുന്നു.

English summery:

Elon Musk with a controversial statement; FEMA funds were unlawfully spent to house unauthorized immigrants