വിവിധ ആവശ്യങ്ങള്‍ ഉന്നയിച്ച് സെക്രട്ടേറിയറ്റിന് മുന്നില്‍ സമരം തുടരുന്ന ആശ പ്രവര്‍ത്തകര്‍ നാളെ തൊഴില്‍ മന്ത്രി വി ശിവന്‍കുട്ടിയുമായി ചര്‍ച്ച നടത്തും. കൂടിക്കാഴ്ച അനുവദിക്കണമെന്ന് ആവശ്യപ്പെട്ട് സമര നേതാക്കള്‍ മന്ത്രിയെ സമീപിച്ചതിന് പിന്നാലെയാണ് തീരുമാനം. നാളെ വൈകുന്നേരം 3ന് മന്ത്രിയുടെ ചേമ്പറിലാണ് കൂടിക്കാഴ്ച.

കഴിഞ്ഞ 19ന് ലേബര്‍ കമ്മീഷണര്‍ക്ക് സമരസമിതി കത്ത് നല്‍കിയിരുന്നു. പിന്നീട് മന്ത്രി വി ശിവകുട്ടിക്ക് മെയില്‍ അയച്ചിരുന്നതായും സമര നേതാവ് വികെ സദാനന്ദന്‍ പറഞ്ഞിരുന്നു. തനിക്ക് ഇതുവരെയും സമരക്കാര്‍ ഒരു അപേക്ഷയും നല്‍കിയിട്ടില്ലെന്നായിരുന്നു മന്ത്രി വി ശിവന്‍കുട്ടിയുടെ വാദം.