കൊച്ചി: ഇ​ന്ത്യ​യി​ലെ ഏ​റ്റ​വും വ​ലി​യ സ​ർ​ക്കാ​രി​ത​ര ഭൂ​വു​ട​മ​സ്ഥ​ർ ക​ത്തോ​ലി​ക്കാ സ​ഭ​യാ​ണെ​ന്ന ആ​ർ​എ​സ്  എ​സി​ൻറെ നു​ണ​ലേ​ഖ​ന​ത്തെ ക്രൈ​സ്ത​വ​ർ​ക്ക് തരിമ്പും  ഭ​യ​മി​ല്ലന്ന് കത്തോലിക്കാ സഭാ  മുഖപത്രം- ദീപികയുടെ  മുഖപ്രസംഗം.  ഓ​രോ വി​ശ്വാ​സി​യു​ടെ​യും വി​യ​ർ​പ്പി​ൻറെ വി​ല​കൊ​ണ്ടു വാ​ങ്ങി​യ​ത​ല്ലാ​തെ ഇ​വി​ടെ​യൊ​ന്നും വെ​ട്ടി​പ്പി​ടി​ച്ചു വ​ച്ചി​ട്ടു​മി​ല്ലന്നും മുഖപ്രസംഗം പറയുന്നു . പ​ഠി​ക്കു​ന്ന വി​ദ്യാ​ല​യ​ങ്ങ​ളു​ടെ​യും കി​ട​ക്കു​ന്ന ആ​ശു​പ​ത്രി​ക​ളു​ടെ​യും പ​രി​സ​ര​ത്തു​നി​ന്നു നോ​ക്കി​യാ​ൽ സം​ഘ​പ​രി​വാ​റി​നും കാ​ണാം, സ​ഭ​യു​ടെ സ്വ​ത്തു​ക്ക​ൾ. സം​ശ​യ​മു​ണ്ടെ​ങ്കി​ൽ കോ​ട​തി​യു​ണ്ട​ല്ലോ. അ​തി​ലൊ​ന്നും ആ​ധി​യി​ല്ല. പ​ക്ഷേ, ക്രൈ​സ്ത​വ​ർ ആ​ഭ്യ​ന്ത​ര​ഭീ​ഷ​ണി​യാ​ണെ​ന്നു തോ​ന്നി​പ്പി​ക്കു​ന്ന ആ​ർ​എ​സ്എ​സ് ലേ​ഖ​ന​ത്തി​ൻറെ പു​ക​മ​റ​സ​ന്ദേ​ശം അ​ക്ര​മി​ക​ളാ​യ വ​ർ​ഗീ​യ​വാ​ദി​ക​ളി​ലെ​ത്തി​യേ​ക്കാം. ദൂ​ര​വ്യാ​പ​ക ഫ​ല​ങ്ങ​ളു​ണ്ടാ​ക്കു​ന്ന അ​തി​ൻറെ പേ​ര് വ​ർ​ഗീ​യ​ത​യെ​ന്നു മാ​ത്ര​മാ​ണ്. അ​ത് ഭ​യ​പ്പെ​ടു​ത്തു​ന്നു​ണ്ടെന്ന് ലേഖനം പറയുന്നു.

മുഖപ്രസംഗം  പൂർണ്ണരൂപത്തിൽ

ആ​ർ​ക്കാ​ണ് അ​ധി​കം ഭൂ​മി​യു​ള്ള​ത് എ​ന്ന ആ​ർ​എ​സ്എ​സ് ലേ​ഖ​ന​ത്തെ ഇ​വി​ടെ​യാ​ർ​ക്കും ഭ​യ​മി​ല്ല. കൂ​ടു​ത​ലു​ള്ള​ത് ക​ത്തോ​ലി​ക്കാ സ​ഭ​യ്ക്ക് അ​ല്ലാ​ത്ത​തി​നാ​ൽ മാ​ത്ര​മ​ല്ല, ഉ​ള്ള​തി​ലൊ​രു ത​രി​പോ​ലും മ​ത​നി​യ​മ​ങ്ങ​ളാ​ൽ ത​ട്ടി​യെ​ടു​ത്ത​തോ അ​ന​ധി​കൃ​ത​മോ അ​ല്ല എ​ന്ന​തി​നാ​ലും ഉ​ള്ള​തി​ലേ​റെ​യും ജ​ന​ക്ഷേ​മ​ത്തി​നാ​ണ് ഉ​പ​യോ​ഗി​ക്കു​ന്ന​ത് എ​ന്ന​തി​നാ​ലു​മാ​ണ്. 

ആ​ർ​എ​സ്എ​സ് പി​ൻ​വ​ലി​ക്കു​ക​യോ നി​ഷേ​ധി​ക്കു​ക​യോ ചെ​യ്ത ലേ​ഖ​ന​ങ്ങ​ളെ​ന്ന​ല്ല, അം​ഗീ​ക​രി​ച്ചി​ട്ടു​ള്ള ആ​ശ​യ​ങ്ങ​ളും ന​ട​പ്പാ​ക്കി​ക്കൊ​ണ്ടി​രി​ക്കു​ന്ന പ്ര​വൃ​ത്തി​യു​മൊ​ക്കെ ഈ ​രാ​ജ്യ​ത്തെ ക്രൈ​സ്ത​വ​ർ ഉ​ൾ​പ്പെ​ടെ​യു​ള്ള ന്യൂ​ന​പ​ക്ഷ​ങ്ങ​ളു​ടെ ജീ​വി​ത​ത്തെ​യും തു​ല്യ പൗ​ര​ത്വ​ബോ​ധ​ത്തെ​യു​മൊ​ക്കെ പ​രി​ക്കേ​ൽ​പ്പി​ക്കു​ക​യാ​ണ്. ഇ​ന്ത്യ​യി​ലെ ഏ​റ്റ​വും വ​ലി​യ സ​ർ​ക്കാ​രി​ത​ര ഭൂ​വു​ട​മ​സ്ഥ​ർ ക​ത്തോ​ലി​ക്കാ സ​ഭ​യാ​ണെ​ന്ന ആ​ർ​എ​സ്എ​സ് ലേ​ഖ​ന​ത്തി​ലും അ​താ​ണു കാ​ണു​ന്ന​ത്. ‌‌

ആ​ർ​ക്കാ​ണ് അ​ധി​കം ഭൂ​മി​യു​ള്ള​ത് എ​ന്ന ആ​ർ​എ​സ്എ​സ് കു​റി​പ്പി​നെ ഇ​വി​ടെ​യാ​ർ​ക്കും ഭ​യ​മി​ല്ല. കൂ​ടു​ത​ലു​ള്ള​ത് ക​ത്തോ​ലി​ക്കാ സ​ഭ​യ്ക്ക് അ​ല്ലാ​ത്ത​തി​നാ​ൽ മാ​ത്ര​മ​ല്ല, ഉ​ള്ള​തി​ലൊ​രു ത​രി​പോ​ലും മ​ത​നി​യ​മ​ങ്ങ​ളാ​ൽ ത​ട്ടി​യെ​ടു​ത്ത​തോ അ​ന​ധി​കൃ​ത​മോ അ​ല്ല എ​ന്ന​തി​നാ​ലും ഉ​ള്ള​തി​ലേ​റെ​യും ജ​ന​ക്ഷേ​മ​ത്തി​നാ​ണ് ഉ​പ​യോ​ഗി​ക്കു​ന്ന​ത് എ​ന്ന​തി​നാ​ലു​മാ​ണ്.  ആ​ർ​എ​സ്എ​സ് മു​ഖ​പ​ത്ര​മാ​യ ഓ​ർ​ഗ​നൈ​സ​റി​ൻറെ ഓ​ൺ​ലൈ​ൻ പോ​ർ​ട്ട​ലി​ലാ​ണ് വി​വാ​ദ ലേ​ഖ​നം വ​ന്ന​ത്. ക​ത്തോ​ലി​ക്കാ സ​ഭ​യ്ക്ക് വ​ഖ​ഫ് ബോ​ർ​ഡി​നേ​ക്കാ​ൾ സ്വ​ത്തു​ണ്ടെ​ന്നും ഇ​ന്ത്യ​യി​ലെ ഏ​റ്റ​വും വ​ലി​യ സ​ർ​ക്കാ​ർ ഇ​ത​ര ഭൂ​വു​ട​മ സ​ഭ​യാ​ണെ​ന്നു​മാ​ണ് അ​തി​ലു​ള്ള​ത്. 

അ​ത​നു​സ​രി​ച്ച് സ​ഭ​യു​ടെ സ്ഥാ​പ​ന​ങ്ങ​ൾ​ക്ക് 20,000 കോ​ടി രൂ​പ മൂ​ല്യ​മു​ള്ള ഏ​ഴു കോ​ടി ഹെ​ക്ട​ർ അ​ഥ​വാ 17.29 കോ​ടി ഏ​ക്ക​ർ ഭൂ​മി​യു​ണ്ട​ത്രേ. ഇ​തു വ​ഖ​ഫ് ബോ​ർ​ഡി​നു​ള്ള​തി​നേ​ക്കാ​ൾ കൂ​ടു​ത​ലാ​ണ്. ബ്രി​ട്ടീ​ഷ് ഭ​ര​ണ​കാ​ല​ത്താ​ണ് സ​ഭ​യ്ക്ക് ഇ​ത്ര ഭൂ​മി ല​ഭി​ച്ച​ത്. 1927ൽ ​ബ്രി​ട്ടീ​ഷ് ഭ​ര​ണ​കൂ​ടം ഇ​ന്ത്യ​ൻ ച​ർ​ച്ച് നി​യ​മം പാ​സാ​ക്കി​യ​തി​നു പി​ന്നാ​ലെ വ​ലി​യ അ​ള​വി​ലു​ള്ള ഭൂ​മി ഗ്രാ​ൻറു​ക​ൾ സ​ഭ​യ്ക്കു ല​ഭി​ച്ചു. ഇ​തി​ൻറെ സാ​ധു​ത​യെ യാ​ണ് ആ​ർ​എ​സ്എ​സ് ചോ​ദ്യം ചെ​യ്യു​ന്ന​ത്.   ബ്രി​ട്ടീ​ഷ് സ​ർ​ക്കാ​ർ സ​ഭ​യ്ക്കു പാ​ട്ട​ത്തി​നു ന​ൽ​കി​യ ഭൂ​മി​യൊ​ന്നും സ​ഭ​യു​ടെ സ്വ​ത്താ​യി ക​ണ​ക്കാ​ക്കി​ല്ലെ​ന്ന് 1965ൽ ​സ​ർ​ക്കു​ല​ർ പു​റ​പ്പെ​ടു​വി​ച്ചെ​ങ്കി​ലും അ​തു ന​ട​പ്പാ​ക്കു​ന്ന​തി​ൽ പ​രാ​ജ​യ​പ്പെ​ട്ടു. തീ​ർ​ന്നി​ല്ല, സ​ഭ​യു​ടെ സ്കൂ​ളു​ക​ളി​ലും ആ​ശു​പ​ത്രി​ക​ളി​ലും സൗ​ജ​ന്യ​മാ​യോ കു​റ​ഞ്ഞ നി​ര​ക്കി​ലോ സേ​വ​നം ന​ൽ​കി പാ​വ​ങ്ങ​ളെ മ​ത​പ​രി​വ​ർ​ത്ത​നം ന​ട​ത്തു​ന്നു​ണ്ടെ​ന്ന ചി​ല റി​പ്പോ​ർ​ട്ടു​ക​ളു​ണ്ടെ​ന്നും പ​റ​ഞ്ഞ്, ലേ​ഖ​നം യ​ഥാ​ർ​ഥ ല​ക്ഷ്യ​ത്തി​ലേ​ക്ക് പി​ൻ​വാ​തി​ൽ പ്ര​വേ​ശം ന​ട​ത്തു​ന്നു​മു​ണ്ട്.

ഏ​പ്രി​ൽ മൂ​ന്നി​ൻറെ ലേ​ഖ​നം പി​ന്നീ​ടു പി​ൻ​വ​ലി​ക്കു​ക​യും, പ​ഴ​യ ഒ​രു ലേ​ഖ​നം വ​ഖ​ഫ് വാ​ർ​ത്ത​ക​ളു​ടെ പ​ശ്ചാ​ത്ത​ല​ത്തി​ൽ വീ​ണ്ടും പ്ര​സി​ദ്ധീ​ക​രി​ച്ച​താ​ണെ​ന്ന് ഓ​ർ​ഗ​നൈ​സ​ർ എ​ഡി​റ്റ​ർ പ്ര​ഫു​ൽ കേ​ട്ക​ർ പ്ര​തി​ക​രി​ക്കു​ക​യും ചെ​യ്തു. പ​ക്ഷേ, വ്യാ​ജ​വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ലു​ള്ള ലേ​ഖ​നം തെ​റ്റാ​ണെ​ന്നു സ​മ്മ​തി​ച്ചി​ട്ടി​ല്ല. ആ​ർ​എ​സ്എ​സി​ൻറെ ലേ​ഖ​നം ശ​രി​യാ​ണെ​ങ്കി​ൽ ഇ​ന്ത്യ​യു​ടെ മൊ​ത്തം ഭൂ​പ്ര​ദേ​ശ​ത്തി​ൻറെ അ​ഞ്ചി​ലൊ​ന്നി​ല​ധി​കം (21 ശ​ത​മാ​നം) ഭൂ​മി ക​ത്തോ​ലി​ക്കാ സ​ഭ​യു​ടേ​താ​ക​ണം. കാ​ര​ണം, ഇ​ന്ത്യ​യു​ടെ ആ​കെ ഭൂ​വി​സ്തൃ​തി 32,87,263 സ്ക്വ​യ​ർ കി​ലോ​മീ​റ്റ​ർ മാ​ത്ര​മാ​ണ്! അ​തി​ൽ ഏ​ഴു ല​ക്ഷം സ്ക്വ​യ​ർ കി​ലോ​മീ​റ്റ​ർ (17.29 കോ​ടി ഏ​ക്ക​ർ) ഭൂ​മി സ​ഭ​യു​ടേ​താ​ണെ​ന്നാ​ണ് ലേ​ഖ​നം പ​റ​യു​ന്ന​ത്. 

വ​ഖ​ഫ് ബോ​ർ​ഡി​നു​ള്ള 9.4 ല​ക്ഷം ഏ​ക്ക​റി​ൻറെ 183 ഇ​ര​ട്ടി! എ​വി​ടെ​നി​ന്നാ​ണ് ഈ ​ക​ണ​ക്കു​ക​ൾ കൊ​ണ്ടു​വ​രു​ന്ന​തെ​ന്ന് ആ​ർ​ക്കു​മ​റി​യി​ല്ല.  2024 ന​വം​ബ​ർ 25ന് ​തൃ​ണ​മൂ​ൽ കോ​ൺ​ഗ്ര​സ് എം​പി മു​ഹ​മ്മ​ദ് ന​ദി​മു​ൽ ഹ​ഖ്, ക​ത്തോ​ലി​ക്കാ സ​ഭ​യ്ക്ക് രാ​ജ്യ​ത്ത് എ​ത്ര ഭൂ​മി​യു​ണ്ടെ​ന്നു രാ​ജ്യ​സ​ഭ​യി​ൽ ചോ​ദി​ച്ചി​രു​ന്നു. ന്യൂ​ന​പ​ക്ഷ​വ​കു​പ്പ് മ​ന്ത്രി കി​ര​ൺ റി​ജി​ജു​വി​ൻറെ കൈ​യി​ൽ​പോ​ലും ആ​ർ​എ​സ്എ​സ് ഇ​പ്പോ​ൾ പ​റ​ഞ്ഞ ക​ണ​ക്കി​ല്ലാ​യി​രു​ന്നു. റി​ജി​ജു പ​റ​ഞ്ഞ​ത്, ഭൂ​മി​യും അ​തി​ൻറെ കൈ​കാ​ര്യ​വും സം​സ്ഥാ​ന സ​ർ​ക്കാ​രു​ക​ളു​ടെ അ​ധി​കാ​ര​പ​രി​ധി​യി​ലാ​ണെ​ന്നും ഭൂ​നി​യ​മ​ങ്ങ​ൾ പാ​സാ​ക്കേ​ണ്ട​ത് നി​യ​മ​സ​ഭ​ക​ളാ​ണെ​ന്നു​മാ​ണ്. ക​ത്തോ​ലി​ക്കാ സ​ഭ​യു​ടേ​ത് ഉ​ൾ​പ്പെ​ടെ​യു​ള്ള ഉ​ട​മ​സ്ഥ​താ വി​വ​ര​ങ്ങ​ൾ ബ​ന്ധ​പ്പെ​ട്ട സം​സ്ഥാ​ന​ങ്ങ​ളി​ൽ​നി​ന്നു ല​ഭി​ക്കു​മെ​ന്നും അ​ദ്ദേ​ഹം അ​റി​യി​ച്ചു. 

കാ​ര്യ​ങ്ങ​ൾ ഈ​വി​ധ​മാ​യി​രി​ക്കെ​യാ​ണ്, വ​ഖ​ഫ് ബോ​ർ​ഡി​നേ​ക്കാ​ൾ സ്വ​ത്ത് ക​ത്തോ​ലി​ക്കാ സ​ഭ​യ്ക്കു​ണ്ടെ​ന്നും ബ്രി​ട്ടീ​ഷു​കാ​ർ കൊ​ടു​ത്ത സ്വ​ത്തു​വ​ക​ക​ൾ സ​ഭ കൈ​യ​ട​ക്കി വ​ച്ചി​രി​ക്കു​ക​യാ​ണെ​ന്നു​മു​ള്ള ചി​ല വ​ർ​ഗീ​യ-​തീ​വ്ര​വാ​ദ സ​മൂ​ഹ​മാ​ധ്യ​മ ആ​രോ​പ​ണ​ങ്ങ​ളു​ടെ ശൈ​ലി​യി​ലു​ള്ള ആ​ർ​എ​സ്എ​സ് ലേ​ഖ​നം.   ഇ​തി​നി​ടെ, അ​ർ​എ​സ്എ​സി​ൻറെ ക്രൈ​സ്ത​വ ആ​ക്ര​മ​ണ​ങ്ങ​ളെ​യും ഓ​ർ​ഗ​നൈ​സ​ർ ലേ​ഖ​ന​ത്തെ​യും വ​ഖ​ഫി​നെ​യു​മൊ​ക്കെ കൂ​ട്ടി​ക്കെ​ട്ടാ​നു​ള്ള ശ്ര​മ​ത്തി​ലാ​ണ് പ്ര​തി​പ​ക്ഷം. വ​ഖ​ഫി​നു​ശേ​ഷം ബി​ജെ​പി ക്രൈ​സ്ത​വ​രെ തേ​ടി വ​രു​മെ​ന്നു ഞ​ങ്ങ​ൾ പ​റ​ഞ്ഞ​ത് ഇ​പ്പോ​ൾ ശ​രി​യാ​യി​ല്ലേ​യെ​ന്നു ചോ​ദി​ക്കു​ന്ന രാ​ഷ്‌​ട്രീ​യ​ക്കാ​രോ​ട്, ഇ​ല്ല എ​ന്നു​ത​ന്നെ പ​റ​യും. കാ​ര​ണം, സം​ഘ​പ​രി​വാ​റി​ന് ന്യൂ​ന​പ​ക്ഷ​ത്തെ ആ​ക്ര​മി​ക്കാ​ൻ വ​ഖ​ഫൊ​ന്നും വേ​ണ്ട. മ​റ്റൊ​ന്ന്, ആ​ർ​എ​സ്എ​സ് ലേ​ഖ​ന​ത്തി​ൻറെ ഉ​ള്ള​ട​ക്കം തെ​റ്റാ​ണ്. ആ ​തെ​റ്റി​നെ​ക്കു​റി​ച്ചു പ​റ​യു​ന്ന​തി​നു പ​ക​രം, വ​ഖ​ഫ് ഭേ​ദ​ഗ​തി​യെ എ​തി​ർ​ത്ത തെ​റ്റാ​യ തീ​രു​മാ​ന​ത്തെ ന്യാ​യീ​ക​രി​ക്കാ​ൻ പ്ര​തി​പ​ക്ഷം ഈ​യ​വ​സ​രം ഉ​പ​യോ​ഗി​ക്കു​ക​യാ​ണ്. 

മു​ന​മ്പ​ത്തെ ജ​ന​ങ്ങ​ളെ വ​ഴി​യാ​ധാ​ര​മാ​ക്കാ​ൻ വ​ഖ​ഫ് ബോ​ർ​ഡി​നെ സ​ഹാ​യി​ച്ച ചി​ല വ​കു​പ്പു​ക​ൾ ഒ​ഴി​വാ​ക്ക​ണ​മെ​ന്നാ​ണ് സി​ബി​സി​ഐ​യും കെ​സി​ബി​സി​യും ആ​വ​ശ്യ​പ്പെ​ട്ട​ത്. പ്ര​തി​പ​ക്ഷം അ​തു കേ​ട്ട​താ​യി ന​ടി​ച്ചി​ല്ല. അ​തു​പോ​ലെ, വ​ഖ​ഫ് ഭേ​ദ​ഗ​തി ബി​ൽ പാ​സാ​ക്കാ​ൻ ബി​ജെ​പി​ക്കു കോ​ൺ​ഗ്ര​സി​ൻറെ​യും സി​പി​എ​മ്മി​ൻറെ​യും എ​ന്ന​പോ​ലെ ക്രൈ​സ്ത​വ​രു​ടെ​യും പി​ന്തു​ണ ആ​വ​ശ്യ​മി​ല്ലാ​യി​രു​ന്നെ​ന്ന യാ​ഥാ​ർ​ഥ്യ​വും മ​റ​ക്ക​രു​ത്. പ്ര​തി​പ​ക്ഷ​ത്തി​ന് ഇ​തൊ​ന്നും ഉ​ൾ​ക്കൊ​ള്ളാ​നോ വ​ഖ​ഫി​ലെ ചി​ല വ​കു​പ്പു​ക​ൾ ഈ ​രാ​ജ്യ​ത്തു​ണ്ടാ​ക്കി​യ പൊ​ല്ലാ​പ്പു​ക​ളെ തി​രി​ച്ച​റി​യാ​നോ താ​ത്പ​ര്യ​മി​ല്ല. ‘ഇ​ന്ത്യ’ സ​ഖ്യ​ത്തി​ൻറെ ന്യൂ​ന​പ​ക്ഷ നി​ല​പാ​ടു​ക​ളി​ൽ ത​ങ്ങ​ൾ​ക്ക് ഒ​രു പ​ങ്കു​മി​ല്ലെ​ന്ന തോ​ന്ന​ൽ ക്രൈ​സ്ത​വ​രി​ൽ രൂ​ഢ​മൂ​ല​മാ​യി​ക്ക​ഴി​ഞ്ഞു. 

മ​ത​വ​ർ​ഗീ​യ​ത​യു​ടെ പ​ല്ലും ന​ഖ​വു​മു​ള്ള സം​ഘ​പ​രി​വാ​ർ ആ​ക്ര​മ​ണ​ങ്ങ​ളും വ​ഖ​ഫ് വ​കു​പ്പു​ക​ളും ക്രൈ​സ്ത​വ​ർ​ക്ക് ദു​രി​ത​മാ​യ​പ്പോ​ൾ അ​തി​ലേ​തെ​ങ്കി​ലും ഒ​ന്നു തെ​ര​ഞ്ഞെ​ടു​ക്കാ​നാ​ണ് പ്ര​തി​പ​ക്ഷം ആ​വ​ശ്യ​പ്പെ​ടു​ന്ന​ത്. ഈ ​രാ​ഷ്‌​ട്രീ​യം​കൊ​ണ്ട് എ​ങ്ങ​നെ വ​ർ​ഗീ​യ​ത​യെ ചെ​റു​ക്കും?   കോ​ൺ​ഗ്ര​സി​നോ​ടും സി​പി​എ​മ്മി​നോ​ടും കാ​ര്യ​ങ്ങ​ൾ തു​റ​ന്നു​പ​റ​യേ​ണ്ടി​വ​രു​ന്ന​ത്, സം​ഘ​പ​രി​വാ​റി​ൻറെ ക്രൈ​സ്ത​വ​പീ​ഡ​ന​ങ്ങ​ൾ കാ​ണാ​തെ​യ​ല്ല. ഉ​ത്ത​രേ​ന്ത്യ​യി​ൽ ക്രൈ​സ്ത​വ​രെ ഓ​ടി​ച്ചി​ട്ടു ത​ല്ലു​ന്ന​വ​ർ കേ​ര​ള​ത്തി​ൽ സ​ഹാ​യി​ക്കു​മെ​ന്നു പ​റ​യു​മ്പോ​ൾ അ​തി​ൻറെ രാ​ഷ്‌​ട്രീ​യം തി​രി​ച്ച​റി​യാ​നാ​കും. സം​ഘ​പ​രി​വാ​റി​ൻറെ ഓ​രോ അ​തി​ക്ര​മ​വും രാ​ജ്യ​ത്തെ​വി​ടെ​യു​മു​ള്ള ക്രൈ​സ്ത​വ​ർ​ക്കു കൊ​ള്ളു​ന്നു​ണ്ട്. 

മ​ത​പ​രി​വ​ർ​ത്ത​ന​ത്തി​നു പ്രേ​രി​പ്പി​ച്ചെ​ന്ന പ​രാ​തി കൊ​ടു​ത്താ​ൽ ഏ​തൊ​രു ക്രി​സ്ത്യാ​നി​യെ​യും ജ​യി​ലി​ൽ അ​ട​യ്ക്കാ​മെ​ന്നും സ്ഥാ​പ​നം പൂ​ട്ടി​ക്കാ​മെ​ന്നു​മൊ​ക്കെ കു​ട്ടി​ക​ൾ വ​രെ ചി​ന്തി​ച്ചു​തു​ട​ങ്ങി. പാ​ക്കി​സ്ഥാ​നി​ലെ ദൈ​വ​ദൂ​ഷ​ണ​നി​യ​മ മ​ത​ഭ്രാ​ന്തു​ക​ളെ ഇ​നി​യെ​ങ്ങ​നെ നാം ​വി​മ​ർ​ശി​ക്കും? ക്രൈ​സ്ത​വ​രെ​യും അ​വ​രു​ടെ ആ​രാ​ധ​നാ​ല​യ​ങ്ങ​ളെ​യും സ്ഥാ​പ​ന​ങ്ങ​ളെ​യും ആ​ക്ര​മി​ക്കു​ന്ന​വ​രു​ടെ ഊ​ർ​ജ​സ്രോ​ത​സാ​യി മാ​റി​യ കേ​ന്ദ്ര​സ​ർ​ക്കാ​രി​ൻറെ നി​ശ​ബ്ദ​ത​യാ​ണ് സ്ഥി​തി ഗു​രു​ത​ര​മാ​ക്കി​യ​ത്. ക്രി​സ്മ​സ് കാ​ല​ത്തെ​ന്ന​പോ​ലെ അ​ടു​ത്ത​യാ​ഴ്ച ഈ​സ്റ്റ​റി​ൻറെ വി​ശു​ദ്ധ​വാ​രം തു​ട​ങ്ങു​മ്പോ​ഴും ഉ​ത്ത​രേ​ന്ത്യ​യി​ലെ ക്രൈ​സ്ത​വ​ർ ഭീ​തി​യി​ലാ​ണ്. 

 ആ​ർ​എ​സ്എ​സി​ൻറെ നു​ണ​ലേ​ഖ​ന​ത്തെ ക്രൈ​സ്ത​വ​ർ​ക്കു ത​രി​മ്പും ഭ​യ​മി​ല്ല. ഓ​രോ വി​ശ്വാ​സി​യു​ടെ​യും വി​യ​ർ​പ്പി​ൻറെ വി​ല​കൊ​ണ്ടു വാ​ങ്ങി​യ​ത​ല്ലാ​തെ ഇ​വി​ടെ​യൊ​ന്നും വെ​ട്ടി​പ്പി​ടി​ച്ചു വ​ച്ചി​ട്ടു​മി​ല്ല. പ​ഠി​ക്കു​ന്ന വി​ദ്യാ​ല​യ​ങ്ങ​ളു​ടെ​യും കി​ട​ക്കു​ന്ന ആ​ശു​പ​ത്രി​ക​ളു​ടെ​യും പ​രി​സ​ര​ത്തു​നി​ന്നു നോ​ക്കി​യാ​ൽ സം​ഘ​പ​രി​വാ​റി​നും കാ​ണാം, സ​ഭ​യു​ടെ സ്വ​ത്തു​ക്ക​ൾ. സം​ശ​യ​മു​ണ്ടെ​ങ്കി​ൽ കോ​ട​തി​യു​ണ്ട​ല്ലോ. അ​തി​ലൊ​ന്നും ആ​ധി​യി​ല്ല. പ​ക്ഷേ, ക്രൈ​സ്ത​വ​ർ ആ​ഭ്യ​ന്ത​ര​ഭീ​ഷ​ണി​യാ​ണെ​ന്നു തോ​ന്നി​പ്പി​ക്കു​ന്ന ആ​ർ​എ​സ്എ​സ് ലേ​ഖ​ന​ത്തി​ൻറെ പു​ക​മ​റ​സ​ന്ദേ​ശം അ​ക്ര​മി​ക​ളാ​യ വ​ർ​ഗീ​യ​വാ​ദി​ക​ളി​ലെ​ത്തി​യേ​ക്കാം. ദൂ​ര​വ്യാ​പ​ക ഫ​ല​ങ്ങ​ളു​ണ്ടാ​ക്കു​ന്ന അ​തി​ൻറെ പേ​ര് വ​ർ​ഗീ​യ​ത​യെ​ന്നു മാ​ത്ര​മാ​ണ്. അ​ത് ഭ​യ​പ്പെ​ടു​ത്തു​ന്നു​ണ്ട്; ഭ​യം ഒ​രു രാ​ജ്യ​മാ​യി മാ​റു​ന്ന​തു​പോ​ലെ.