വായനക്കാരുടെ അറിവിനും ആനന്ദത്തിനുംവേണ്ടി ഈസ്റ്ററിനെ പറ്റിയുള്ള ചില മൊഴിമുത്തുകള്‍ ഈ ലേഖകന്‍ പരിഭാഷപ്പെടുത്തിയത് താഴെ കൊടുക്കുന്നു. - സുധീര്‍ പണിക്കവീട്ടില്‍

*സത്യത്തെ ഒരു കല്ലറയില്‍ അടക്കാം എന്നാല്‍ അതു അവിടെ തങ്ങുകയില്ലെന്ന് ഈസ്റ്റര്‍ നമ്മെ ബോധിപ്പിക്കുന്നു.

*ഭൂമിയിലെ ഏറ്റവും സന്തോഷം നിറഞ്ഞതും, ഏറ്റവും ദുഃഖം നിറഞ്ഞതുമായ ദിവസങ്ങള്‍ക്ക് തമ്മില്‍ മൂന്നു  ദിവസത്തിന്റെ അകലമേയുള്ളു.

*ഈസ്റ്റര്‍ കാലം ആനന്ദിക്കാനും, നന്ദിയുള്ളവരായിരിക്കാനും, പാപങ്ങള്‍ പൊറുത്തുവെന്നു ഉറപ്പാക്കികൊണ്ട് ഈ ഭൂമിയിലെ മണ്ണില്‍ നിന്നും അപ്പുറത്തേക്ക് ജീവിതം നീളുന്നു എന്നു വിശ്വസിക്കാനുമാണ്.

*ഈസ്റ്ററിന്റെ ഏറ്റവും വലിയ സമ്മാനം പ്രത്യാശയാണ് അതിനെ ഒന്നിനും ഇളക്കാന്‍ കഴിയില്ല. ആ ക്രിസ്തീയ പ്രത്യാശ ദൈവത്തിലുള്ള ദ്രുഢവിശ്വാസത്തെ, അവന്റെ അവസാന വിജയത്തെ, അവന്റെ സ്‌നേഹത്തേയും, നന്മയേയും നമ്മില്‍ ഉറപ്പിക്കുന്നു.

*ഈസ്റ്റര്‍ ദിവസം,  കാലവും നിത്യതയും തമ്മിലുള്ള മറയെ മാറാല പോലെ നേരിയതാക്കുന്നു.

*ഈ ഭൂമിയില്‍ നിന്ന്, ഈ കല്ലറയില്‍ നിന്ന്, ഈ പൊടിയില്‍ നിന്ന് എന്നെ എന്റെ ദൈവം ഉയര്‍ത്തുമെന്ന് ഞാന്‍ വിശ്വസിക്കുന്നു.

*നിനക്കുള്ളതെല്ലാം കൊടുക്കുമ്പോള്‍ നീ പൂര്‍ണ്ണമായി ഒന്നും കൊടുക്കുന്നില്ല, നീ നിന്നെ തന്നെ പൂര്‍ണ്ണമായി സമര്‍പ്പിക്കുമ്പോഴാണ് നീ യഥാര്‍ത്ഥമായി കൊടുക്കുന്നത്.

*എന്റെ ജീവിതസാഹചര്യങ്ങള്‍ എന്ത് തന്നെയായാലും പുനരുത്ഥാനം എന്റെ ജീവിതത്തിനു അര്‍ത്ഥവും, ദിശയും വീണ്ടും ആരംഭിക്കാന്‍ അവസരങ്ങളും നല്‍കുന്നു.

*പ്രവര്‍ത്തിക്കുന്ന മനുഷ്യനെ പോലെ ചിന്തിക്കുക, ചിന്തിക്കുന്ന മനുഷ്യനെ  പോലെ പ്രവര്‍ത്തിക്കുക.

*ദൈവം പക്ഷികളെ സ്‌നേഹിക്കുകയും അവക്ക് പാര്‍ക്കാന്‍ മരങ്ങള്‍ കണ്ടുപിടിക്കുകയും ചെയ്തു. മനുഷ്യന്‍ പക്ഷികളെ സ്‌നേഹിക്കുകയും അവക്ക്  വേണ്ടി കൂടുകള്‍ കണ്ടുപിടിക്കുകയും ചെയ്തു.

*പോഷണവും, ഉന്മേഷവും ശരീരത്തിനു കൊടുക്കുന്ന ഉറക്കം പോലെ സത്യമായ മൗനം മനസ്സിന്റേയും പ്രാണന്റേയും വിശ്രമമാണ്.

*ഈസ്റ്ററിന്റെ കഥ ദൈവത്തിന്റെ ദിവ്യ വിസ്മയമായ അത്ഭുത ജാലകത്തിന്റെ കഥയാണ്.

അത് ഈസ്റ്റര്‍ പ്രഭാതമാണെന്ന് ഞാന്‍ ഓര്‍മ്മിക്കുന്നു, അവിടെ ജീവിതവും, സ്‌നേഹവും സമാധാനവും എല്ലാം നവജാതങ്ങളാണ്.

*എല്ലാ സ്ത്രീ-പുരുഷന്മാരും മരണമില്ലാത്തവരായി കരുതട്ടെ.ക്രുസ്തുവിന്റെ വെളിപ്പാടു് അവന്റെ പുനരുത്ഥാനത്തിലാണെന്ന് അവര്‍ ഗ്രഹിക്കട്ടെ. ക്രുസ്തു ഉയര്‍ത്തെഴുന്നേറ്റു എന്നു മാത്രമല്ല അവര്‍ പറയേണ്ടത്ഞാനും ഉയര്‍ത്തെഴുന്നേല്‍ക്കുമെന്നു കൂടിയാണ്.

*ഓരോ വേര്‍പിരിയലും മരണത്തെപറ്റിയുള്ള ഒരു മുന്‍ധാരണ  നല്‍കുന്നു; ഓരോ പുനഃസമാഗമവും പുനരുത്ഥാനത്തിന്റെ സൂചന നല്‍കുന്നു.

വാതില്‍ക്കല്‍ അടച്ചുവച്ച വലിയ കല്ല് മാറ്റിയത് ക്രുസ്തുവിനു പുറത്ത് പോകാനല്ല, ശിഷ്യന്മാര്‍ക്ക് അകത്തേക്ക് കടക്കാന്‍ വേണ്ടിയായിരുന്നു.

ഭാവിയെക്കുറിച്ചുള്ള എല്ലാ പദ്ധതികള്‍ക്കുമുള്ള താക്കോല്‍ പുനരുത്ഥാനത്തിലുണ്ട്.

എല്ലാവര്‍ക്കും അനുഗ്രഹീതമായ ഈസ്റ്റര്‍ ആശംസകള്‍ !!

ശുഭം