ഈ കവിതയിലൂടെ ജീവിതയാഥാർഥ്യങ്ങളെ എത്രമനോഹരമായാണ് കവി ആശയസൗന്ദര്യമുള്ള സാധാരണീകരണം ചെയ്തിരിക്കുന്നത് . മനുഷ്യജീവിതത്തെ അതിമനോഹരമായ കാനനവള്ളികളും,പടർപ്പുകളും ചേർന്ന ഒരു ഇടതൂർന്ന കാനനമായി ചിത്രീകരിച്ചതിൽ കവിയുടെ വൈകാരികമായ സൗന്ദര്യവും, അങ്ങേയറ്റത്തെ വൈചാരികമായ യുക്തിയും കാണാവുന്നതാണ് . പരസ്പ്പരം സ്നേഹിച്ചും ചതിച്ചും,കൊന്നും, കലഹിച്ചും,പ്രേമിച്ചും ജീവിതം മുന്നോട്ട് നയിക്കുന്നു. പ്രേമത്തിനെ പോലെ,സ്നേഹത്തിനെ പോലെ ഇത്രയേറെ സങ്കീർണ്ണമായ മറ്റൊരു വൈകാരിക ഭാവം മനുഷ്യനുണ്ടെന്ന് തോന്നുന്നില്ല.ചിലപ്പോൾ പ്രേമവും സ്നേഹവും സൂര്യന്റെ പ്രകാശം പോലെ അതിസുന്ദരമായി ശോഭിക്കും.ചിലപ്പോളത് ഇരുണ്ടിരിക്കും.സ്നേഹം നമ്മുടെ മൂല്യത്തിനും, വികാരത്തിനും,വിചാരത്തിനും പൊടുന്നനെ പലപ്രകാരത്തിലുള്ള വിവിധഭാവങ്ങൾ ഉണ്ടാക്കുന്നു . ഈ ലോകത്തിലെ സമകാലീക ജീവിതത്തിലെ ബഹുവിധങ്ങളായ ബഹളായമാനമായ കർമ്മങ്ങളുടെ മദ്ധ്യത്തിൽ ഒട്ടനവധി ചർച്ചകളിലേക്ക് ശേഷിയുള്ള ആശയവും,ആദർശവും,ലക്ഷ്യബോധവുമുള്ള അതിസുന്ദരമായ ശ്രീ.നസ്രേത്തിൽ ജോസ്‌ വർഗ്ഗീസിന്റെ “വേൾഡ് വൈഡ് വെബ്”എന്ന കവിത.താങ്കൾ നല്ലൊരു സാഹിത്യക്കാരൻ തന്നെ!