ഇന്ത്യയുടെ ഗ്ലോബൽ കാപ്പബിലിറ്റി സെന്റർ (GCC) ശൃംഖല മെട്രോ നഗരങ്ങൾക്കപ്പുറത്തേക്ക് വ്യാപിക്കുമ്പോൾ, കൊച്ചി രാജ്യത്തെ മികച്ച ഏഴ് വരുംകാല തലമുറ  GCC ഹബുകളിൽ ഒന്നായി മാറിയെന്ന് ഏറ്റവും പുതിയ റിപ്പോർട്ട് വ്യക്തമാക്കുന്നു. ഈ വളർച്ചയിൽ കൊച്ചിയിലെ ഇൻഫോപാർക്കിന് നിർണായക പങ്കുണ്ട്.

അഞ്ഞൂറ്റിയെൺപതിലധികം ഐ.ടി. (IT), ഐ.ടി.ഇ.എസ്. (ITeS) കമ്പനികളുള്ള ഇൻഫോപാർക്ക്, GCC-കൾക്ക് ആവശ്യമായ അനുകൂല സാഹചര്യങ്ങൾ ഒരുക്കുന്നുണ്ട്. ചെലവ് കുറഞ്ഞ പ്രവർത്തന സാധ്യതകൾ, വൈദഗ്ധ്യമുള്ള മനുഷ്യശേഷി, നൂതന സാങ്കേതികവിദ്യകൾക്ക് അനുയോജ്യമായ അടിസ്ഥാന സൗകര്യങ്ങൾ എന്നിവ ഇൻഫോപാർക്കിന്റെ പ്രധാന സവിശേഷതകളാണ്. കേരളത്തിന്റെ ശക്തമായ വിദ്യാഭ്യാസ സമ്പ്രദായവും, മികച്ച നഗര സൗകര്യങ്ങളും കൊച്ചിക്ക് മുതൽക്കൂട്ടാണ്. ഇന്ത്യയിലെ ഡിജിറ്റൽ പരിവർത്തനത്തിന്റെ തന്ത്രപ്രധാനമായ ഒരു കേന്ദ്രമായി കൊച്ചി അതിവേഗം വളരുകയാണെന്ന് ഈ റിപ്പോർട്ട് അടിവരയിടുന്നു.

English summary:

Kochi is Emerging as a Key Hub for Next-Generation Global Capability Centers (GCCs)