കൊച്ചി: മലയാള സിനിമയിൽ പുതിയ ചുവടുവെപ്പിനൊരുങ്ങി ധ്യാൻ ശ്രീനിവാസനും സഹോദരൻ വിനീത് ശ്രീനിവാസനും. തങ്ങളുടെ പിതാവും മലയാളത്തിന്റെ പ്രിയനടനും തിരക്കഥാകൃത്തുമായ ശ്രീനിവാസന്റെ പേരിൽ ഒരു നിർമ്മാണ കമ്പനി ആരംഭിക്കാൻ ഒരുങ്ങുകയാണിവർ.

ഈ പുതിയ സംരംഭം ഓഗസ്റ്റിൽ തുടങ്ങാനാണ് നിലവിൽ തീരുമാനിച്ചിരിക്കുന്നത്. കമ്പനിയുടെ ഭാഗമായി, സംസ്ഥാനത്തുടനീളം വലിയൊരു ടാലന്റ് ഹണ്ട് സംഘടിപ്പിക്കാനും ഇവർ പദ്ധതിയിടുന്നുണ്ട്. ഈ ടാലന്റ് ഹണ്ടിലൂടെ പുതിയ എഴുത്തുകാരെയും, അഭിനേതാക്കളെയും, സംവിധായകരെയും കണ്ടെത്താനാണ് സഹോദരങ്ങൾ ലക്ഷ്യമിടുന്നത്. തങ്ങളുടെ ഈ സ്വപ്ന സംരംഭത്തിനായി പൂർണ്ണമായും ശ്രദ്ധ കേന്ദ്രീകരിക്കുന്നതിന്റെ ഭാഗമായി, ഓഗസ്റ്റിന് ശേഷം മറ്റ് പ്രോജക്റ്റുകളൊന്നും ഏറ്റെടുക്കില്ലെന്ന് ധ്യാൻ ശ്രീനിവാസൻ അറിയിച്ചിട്ടുണ്ട്. പ്രതിഭ തെളിയിച്ച ഈ സഹോദരങ്ങൾക്ക് സിനിമാ ലോകം എല്ലാ വിജയങ്ങളും ആശംസിക്കുന്നു.

English summary:

Dhyan and Vineeth Launch New Production Company in Srinivasan’s Name; Statewide Talent Hunt Planned