ഹൈദരാബാദ്: സൗന്ദര്യവും പ്രതിഭയും മാറ്റുരച്ച 72-ാമത് മിസ് വേൾഡ് മത്സരത്തിൽ തായ്‌ലൻഡിന്റെ ഓപൽ സുചാത ചുവാങ്‌സ്രി 2025-ലെ കിരീടം ചൂടി. നിലവിലെ മിസ് വേൾഡ് 2024 ക്രിസ്റ്റീന പിഷ്‌കോവയാണ് കിരീടം അണിയിച്ചത്. ഹൈദരാബാദിലെ ഹിറ്റെക്സ് എക്സിബിഷൻ സെന്ററിൽ നടന്ന ഗ്രാൻഡ് ഫിനാലെയിൽ 108 രാജ്യങ്ങളിൽ നിന്നുള്ള മത്സരാർത്ഥികൾ മാറ്റുരച്ചു. മെയ് 7 മുതൽ 31 വരെ നീണ്ട ഈ മത്സരത്തിൽ സാംസ്കാരിക കൈമാറ്റങ്ങളും സാമൂഹിക സേവന പ്രവർത്തനങ്ങളും ഉൾപ്പെട്ടിരുന്നു.

ഇന്ത്യയെ പ്രതിനിധീകരിച്ച നന്ദിനി ഗുപ്തയ്ക്ക് അവസാന എട്ട് പേരുടെ പട്ടികയിൽ ഇടം നേടാനായില്ല. പോളണ്ട്, എത്യോപ്യ, തായ്‌ലൻഡ്, മാർട്ടിനിക് എന്നിവിടങ്ങളിൽ നിന്നുള്ള മത്സരാർത്ഥികളായിരുന്നു അവസാന നാലിൽ എത്തിയത്. നടൻ സോനു സൂദ്, സുധ റെഡ്ഡി എന്നിവർ ഉൾപ്പെട്ട ഒമ്പതംഗ ജൂറിയാണ് വിജയിയെ തിരഞ്ഞെടുത്തത്. "സൗന്ദര്യവും ലക്ഷ്യവും" (Beauty With a Purpose) എന്ന ആശയത്തിൽ ഊന്നൽ നൽകി യുവതികളെ ശാക്തീകരിക്കാൻ ലക്ഷ്യമിടുന്ന ഈ മത്സരം ഇന്ത്യയുടെ സാംസ്കാരിക പൈതൃകത്തിന് ലോകശ്രദ്ധ നേടിക്കൊടുക്കാൻ സഹായിച്ചു.

English summary:

Miss World 2025 Crowned to Thailand’s Opal Suchata; Miss World 2024 Kristýna Píšková Presented the Crown