മലയാളികളുടെ പ്രിയതാരം മനോജ് കെ. ജയന്റെ മകളും കുഞ്ഞാറ്റ എന്ന വിളിപ്പേരിൽ അറിയപ്പെടുന്ന തേജലക്ഷ്മി സിനിമയിലേക്ക്. 'സുന്ദരിയായവൾ സ്റ്റെല്ല' എന്ന ചിത്രത്തിലൂടെയാണ് തേജലക്ഷ്മി അഭിനയരംഗത്ത് അരങ്ങേറ്റം കുറിക്കുന്നത്. മനോജ് കെ. ജയൻ തന്നെയാണ് ഈ സന്തോഷവാർത്ത ആരാധകരെ അറിയിച്ചത്.

"എൻ്റെ പ്രിയപുത്രി കുഞ്ഞാറ്റ 'സുന്ദരിയായവൾ സ്റ്റെല്ല' എന്ന സിനിമയിലൂടെ അരങ്ങേറാൻ പോകുന്നു എന്ന ഏറെ സന്തോഷകരമായ വാർത്ത നിങ്ങളെ അറിയിക്കുന്നു," എന്ന് മനോജ് കെ. ജയൻ തൻ്റെ സാമൂഹിക മാധ്യമങ്ങളിലൂടെ പങ്കുവെച്ചു. മകൾക്ക് ഏവരുടെയും അനുഗ്രഹങ്ങൾ ഉണ്ടാവണമെന്ന് വളരെ വികാരനിർഭരമായ വാക്കുകളിലൂടെ  അദ്ദേഹം അഭ്യർത്ഥിക്കുകയും ചെയ്തു.

മലയാള സിനിമയിലെ ഒരു താരപുത്രിയുടെ അരങ്ങേറ്റത്തിനായി ആകാംക്ഷയോടെ കാത്തിരിക്കുകയാണ് പ്രേക്ഷകർ.
 

English summary:

Actor Manoj K. Jayan Seeks Blessings for His Daughter