Image

നിന്നിലേക്കെത്താതെ ( കവിത : പി സീമ )

Published on 18 June, 2025
നിന്നിലേക്കെത്താതെ ( കവിത : പി സീമ )

നഗര കവാടത്തിൽ 
എവിടെയോ 
അവൻ കാത്തു നിന്നിരുന്നു 
അവളുടെ യാത്ര 
ശൂന്യമായ 
വിളനിലങ്ങൾക്കരികിലെ 
ഒറ്റയടിപ്പാതയിലൂടെ 
ആയിരുന്നു.
ഋതുഭേദങ്ങൾ 
പലവട്ടം
മഴയും മഞ്ഞും വെയിലും 
തണലുമായി
പെയ്തിറങ്ങിയ
വഴിയുടെ വിജനതയിലൂടെ
എത്ര നടന്നിട്ടും
അവനിലേക്ക്
എത്തിച്ചേരാൻ
അവൾക്കായില്ല
കാരണം 
അവളുടെ 
ഹൃദയകവാടത്തിൽ 
ആയിരുന്നല്ലോ
അവൻ താമസിച്ചിരുന്നത്.
അവരുടെ
ഹൃദയ സ്പന്ദനങ്ങൾക്കു പോലും
എന്നും എപ്പോഴും
ഒരേ താളമായിരുന്നല്ലോ.

Join WhatsApp News
Sudhir Panikkaveetil 2025-06-18 15:20:49
സ്നേഹം തിരിച്ചറിയാതെ അലയുന്ന അകലുന്ന മനസ്സുകൾ ചിന്തിക്കുക നിങ്ങൾക്ക് പ്രിയപ്പെട്ടവർ നിങ്ങളെ ഹൃദ യകവാടത്തിൽ ഉണ്ട്. അവരെ അകത്തേക്ക് വിളിക്കുക. സീമ മാഡം . നല്ല സന്ദേശം.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക