ഇരുളുന്നൊരിന്നിന്റെ കരളിൽ നിന്നുണരണം 
വിരിയുന്ന നാളെതൻ പുലരിത്തുടിപ്പുകൾ ! 
മനുഷ്യന്റെ സ്വപ്‌നങ്ങൾ ചിറകടിച്ചുയരുന്ന 
യൊരു നല്ല നാളെയാം പുളകപ്പുതപ്പുകൾ

ഹൃദയ വിപഞ്ചികേ, പാടുക 
പാടുക
യുണരുന്ന മണ്ണിന്റെ സൂര്യഗായത്രികൾ
ഒരു പിഞ്ചു കുഞ്ഞിന്റെ ചോര കോകൊണ്ടെഴുതുന്ന 
തൊരുനാടിനും വീര പരിവേഷമല്ലിനി !

മാനിഷാദപ്പൊരുൾ തേടുന്ന മാനവ 
നീതി ശാസ്ത്രത്തിന്റെ യാഗക്കുതിപ്പുകൾ 
കീഴടക്കീടണം ചക്രവാളങ്ങളിൽ 
ജീവിതതാള പുളകങ്ങൾ പൂക്കണം !

ആരോ വരച്ചോരതിർത്തിയിൽ തോക്കുമായ് 
കാവൽ നിൽക്കുന്നൊരീ നാറിയ രീതികൾ 
മാറണം .സോദരർ നേരറിഞ്ഞാർത്തു കോ - 
ണ്ടാപ്പച്ചിരിമ്പുകൾ മൺവെട്ടിയാക്കണം !

പാറ തുരക്കുന്ന ഹുങ്കാരവങ്ങളിൽ
ചീറിയടുക്കുന്ന ബോംബുകൾ വേണ്ടിനി. 
ചാലേ പറന്നിറങ്ങും വിമാനങ്ങളിൽ 
താരാട്ടു പാട്ടിൻ ചിണുങ്ങൽ മതിയിനി.